Ezérsitu brazileiru sei kaer kontrolu seguransa nian iha Rio de Janeiro

Prezidente Brazil nian, Michel Temer, dekreta ona hodi haruk Ezérsitu ba Rio de Janeiro, ne'ebé sei kaer responsabilidade ba seguransa, tanba violénsia oioin ne'ebé akontese iha sidade, fó sai hosi imprensa lokal iha loron-sesta ne'e.

Tuir prezidente hosi Senadu brazileiru, Eunício Oliveira, ne'ebé haktuir hosi komunikasaun sosial brazileiru sira, katak dekretu, elabora ona, sei aprova iha oras hirak tuirmai ne'e no kalkula atu Forsa Armada sira kaer responsabilidade hosi komando polísia Sívil ho Militar sira iha Estadu Rio de Janeiro nian.

Medida, ne'ebé sei aprova mós hosi Kongresu, foti iha momentu ida ne'ebé iha krítika maka'as tanba asaun violénsia sira ne'ebé akontese durante Karnaval iha "Sidade Maravillozu" ne'ebé simu vizitante millaun resin.

Governador hosi Rio de Janeiro rasik, Luiz Fernando Pezão, rekoñese ona katak forsa polísial sira la preparadu hodi garanti seguransa durante Karnaval.

Iha parte seluk, prezidente Kámara hosi Rio de Janeiro, evanjéliku Marcelo Crivella, sai hanesan sentru hosi krítika sira tanba ba estranjeiru durante festa karnaval nian.

Tuir prezidente Senadu nian, Temer foti ona desizaun durante reuniaun emerjénsia ida ne'ebé halo iha loron-kinta kalan iha Palásiu Prezidensial, ho apoiu hosi governador Rio de Janeiro nian.

Ba jeneral Walter Souza Braga Neto, hosi Komando Militar Leste, hanesan knaar hosi defensor hosi medida ne'e iha Kongresu ne'ebé maka sei konvoka iha prazu máximu loron sanulu.

SAPO TL ho Lusa