domingo, 15 de abril de 2018

Xanana: Justisa agora haree ba Lei la’os ema nia fiar

PARTILHAR

Xefi Negosiadór Prinsipál Fronteira Marítima, Kay Rala Xanana Gusmão hateten, nia parte hein hela tribunál nia chamada tanba estraga osan Estadu nian ba konstrusaun Igreja.

Kay Rala Xanana Gusmão hato’o asuntu ne’e, iha Pragrama Grande Entrevista, iha estudiu I GMNTV Bebora foin lalais ne’e.

“Ha’u mós hein hela sira atu bolu ha’u tamba estraga osan estadu, halo Katedral. Ne’e estraga osan Estadu, tamba ne’e maka ha’u hein hela bainhira maka Tribunal bolu ha’u, tamba estraga osan estadu ba halo Igreja, tamba sa maka ha’u dehan hanesan ne’e, tamba Santo António Manatuto,  iha tempu uluk ba bainhira Bispu ne’e iha Malaka ne’ebá, iha besik Flores mós depende ba Bispu ne’eba. Bispu iha Malaka autoriza sira lori Santo António mai Manatuto, tinan 3 ou 4 kotuk ba ita tinan atus rua,” hateten Xanana Gusmão.

Xanana hateten tan, tanba haree ba Parokia ne’eba laiha kareta no buat sira seluk, nune’e Estadu empresta kareta ba hodi realiza aktividade igreja nian, no sarani iha ne’eba mós kontribui buat barak, Prezidente Repúblika mós ba só juiz no prokurador sira maka la ba tanba sira haree deit mak lei.

Xanana haktuir, depois de selebrasaun ne’e remata, sira husi Larantuka  reprezenta lori Nossa Senhora mai hotu, hotu-hotu kontente depois sira fila, Padre Martinho hadia kareta depois fó fila fali, mais ida ne’e korupsaun estraga osan estadu.

“Agora ha’u hein, ha’u mós sira bolu hanesan testemuña tanba sa maka nu’udar Primeiru Ministru gasta osan estadu ba selebrasaun tinan atus rua Santo António nian, tanba ne’e maka ha’u hein hela, dala ruma sira halo hela konta estadu gasta hira-hira ba Igreja Balide, Katedral, Motael no iha fat-fatin. Ha’u kala ba prizaun, ha’u mate tiha mós labele hakoi tanba seidauk kumpri hotu, tanba ita nia justisa haree deit lei laharee ba buat seluk,” Xanana esklarese. nes

GMN TV | Grupo Média Nacional
PARTILHAR

Author: verified_user

Publicação luso-timorense sem fins lucrativos

0 comentários: