DILI, (TATOLI) – Xefe
Negosiadór ba Delimitasaun Fronteira Marítima, Kay Rala Xanana Gusmão, hateten
Timor-Leste ho Austrália iha ona konkordánsia kona-ba réjime tranzitóriu
fronteira marítima, maibé prosesu konsiliasaun obrigatória mak seidauk hotu.
Seidauk hotu ho sentidu,
fronteira iha ona maibé buat ne’ebé ligadu ba tasi Timór ne’e mak seidauk hotu.
“Em prinsípiu iha ona konkordánsia kona-ba réjime tranzitóriu, ha’u bele
temi, kuandu iha ona ratifikasaun 10% ne’ebé uluk husi Bayu Undang ba Austrália
ne’e mai fila fali iha ita”, dehan Xanana Gusmão ba jornalista sira iha Palásiu
Governu, ohin.
Eis-lider rezisténsia ne’e
hatutan ema bele dúvida ho nia lideransa, ámbitu negosiasaun ho Austrália maibé
esperiénsia hatudu ona durante ne’e katak uluk ema dúvida atu hetan fronteira
marítima, inklui mós prosesu ba libertasaun, maibé rezultadu hatudu oinseluk.
“Duvida, direitu ema hothotu
nian, ha’u bele dúvida, ha’u bele la dúvida. Se hothotu mak dehan tenke
konkorda kedas ona ho buat ida nune’e, entaun ita ne’e laiha ona liberdade
opiniaun”, afirma.
Dala ida tan, xefe negosiadór
ne’e insiste katak respeita tebes ema sira ne’ebé duvida. “Ha’u respeitu sira,
mas kuantu dehan ha’u dúvida, ha’u dúvida! Ida ne’e mak obriga ha’u atu
esforsu, hatudu katak ida ne’e ó-nia dúvida, la’ós ha’u-nia dúvida”, akresenta.
Xefe Negosiadór ne’e mós hateten
orsamentu la kle’ur atu diskute no ekipa delegasaun ba negosiasaun fronteira
marítima sei hasoru malu ho parte kompetente hodi ko’alia kestaun sira ne’e.
Setór petróleu sira haree ona.
“Agora seidauk bele dehan buat
ida, mas ami iha ona planu atu hasoru malu ho Greater Sunrise nian depois
iha ona rezultadu ruma, sei bele hateten imi (mídia-red)”, afirma.
Jornalista: Rafy Belo | Editora:
Rita Almeida
Imajen: Kay Rala Xanana Gusmão
bainhira halo entrevista ho jornalista sira iha edifísiu g7+. aredores Palásiu
Governu, ohin. Foto António Goncalves
Sem comentários:
Enviar um comentário