terça-feira, 23 de outubro de 2018

Koliati Sei Simu Pose Hanesan Xefi Estadu Maior F-FDTL


DILI - Iha loron 29 Otubru  fulan ida nee Kolonel Koliati, sei simu tomada de pose hanesan Xefi Estadu Maior F-FDTL, husi Prezidente da Republika Francisco Guterres Lu Olo, iha Palasiu Prezidente Nicolau Lobato.

Prezidente da Republika Francisco Guterres Lu Olo hateten,  iha dia 29 Otubru fulan ida nee Xefi Estadu Maior F-FDTL Kolonel Koliati nia bele hola tomada de pose para bele subtitui fali Vise Brigadieru Falur Rate Laek nia fatin.

"Koliati ninian hau sei nomea iha tempu badak, portantu mais vinte nove nia bele hola tomada de pose para atu bele subtitui fali Sr. Vise Brigadeiru Jeneral Falur Rate Laek nia fatin,” dehan PR Francisco Guterres Lu Olo, ba jornalista sira, hafoin remata abertura ba Konferensia Internasional ba dala 4, neebe organiza hosi Institutu Petroleu no Jeolojia (IPJ), iha salaun CDD, Tersa ( 23/10/2018).

Enkuantu konaba, Xefi Estadu Maior Forsa Armadas, Major Jeneral Lere Anan Timor nian mos, nee Prezidente da Republika nia kompetensia sei hola desizaun iha tempu badak.

Iha parte ketak Xefi de Estadu Maior Jeneral Forsas Armadas, Major Jeneral Lere Anan Timor hateten, Bainhira Governu husu atu kontinua halao servisu iha Forsa Armadas, hanesan sidadaun prontu kualker momentu hodi servi Estadu no povu. 

Notisia kompletu lee iha jornal STL edisaun Kuarta (24/10/2018)

Carme Ximenes | Suara Timor Lorosae

Sem comentários: