MUTL Lori Petisaun Ba PN, Arao: Sira Lahusu Audensia

DILI - Prezidente Parlamentu Nasional Arao Noe hatete, Movimentu Estudante Timor Leste, Movimentu Estudante Universitariu Timor Leste lori ona sira nia petisaun ida ba Parlamentu Nasional, maibe sira laos husu audensia.

“Sira horseik lori petisaun ida ba PN sira laos husu audensia, normalmente ita formal instituisaun sira hanesan nee haruka karta ida mai PN husu audensia, maibe ida nee oinseluk ho hato petisaun, hato petisaun lahatete iha neeba bainhira atu halo audensia ho sira, sira ezije deit katak to 5 Novembru tenke iha desizaun ida para atu muda,” dehan PPN Arao ba jornalista sira hafoin remata enkontru ho PR Francisco Guterres Lu Olo, iha Palasiu Prezidente Nicolau Lobato, Dili, Tersa (30/10/2018).

Desizaun para atu muda kareta nee tur PPN Arao Noe katak, Laos PPN mak deside, sa tan aprova tiha ona iha plenaria iha semana kotuk, agora orsamentu prevetiva aprova iha plenaria laos Vise PPN Maria A mak aprova, aprova iha plenaria nia tenke asina haruka ba governu hatama ba OJE 2019.

Iha biban nee mos PPN Arao Noe hatete, Uza media social nee laho etika, tanba ema nia bom nome, dignidade pesoal buat sira nee hotu uza media social nee hodi insulta no tarata to tan figura sira neebe mak luta ba rai ida nee.

PPN Arao dehan, ba nia atu tau kaisaun sanuluh kasunu lilin ka nia lapreokupa ida, tanba laiha ema ida mate latau ba kaisaun, distinu nee depende ba maromak, labarik foin moris horkalan dader mai mate, joven ida foin tinan 15 tuir los nia moris naruk maibe nia mate tia ona. 

Notisia kompletu lee iha jornal STL edisaun Kuarta (31/10/2018).

Carme Ximenes | Suara Timor Lorosae