DILI - Primeiru Ministru
Taur Matan Ruak rekoinese Governu roda tolu neebe nia lider sei iha
defikuldade, tanba membru governante balu seidauk simu pose husi Prezidente da
Republika.
“Hau espera katak iha tempu oin
mai sei simu pose, tanba presiza atu halo servisu diak liu, hau dehan ba ita
boot sira klaru roda tolu nee ita sei iha difikuldade, purenkuantu ho kompletu
diak liu tan, maibe ami halo esforsu makas para aktividades no problema hotu
hotu bele lao diak ba oin,” dehan PM TMR, ba jornalista sira, hafoin remata
enkontru ho PR Francisco Guterres Lu Olo, iha Palasiu Prezidente Nicolau
Lobatu, Kinta (15/11/2018).
Xefe Governu dehan, Nee enkontru
semanal ho Prezidente Republika, primeiru lugar informa aktividades governu
nian, liu-liu Orsamentu Jeral Estadu 2019, neebe mak hodi ba ona iha Parlamentu
Nasional, segundu lugar informa aktividade normais neebe governu halao
lor-loron.
Portantu orsamentu agora aloka
ona ba programa no hare avalia nee avalia husi novel ejekusaun, liu liu avalia
husi objetivu no programa neebe maka governu implementa. Nuentantu Orsamentu
Jeral 2018 ejekuta ona to Setenta Sinku pursentu nee diak, tanba OJE 2018 ba
fulan haat, maibe tanba tempu nee ba tiha duodesimu entaun uza ba fulan tolu
deit.
Eis aman nasaun RDTL atual
Primeiru Ministru iha VIII Gk nee hatete, Iha infraestruturas nee kuaze setenta
pursentu, purtantu demora liu mak ba Sosial selu ferik katuas sira, maibe
ejekusaun orsamentu sei lao diak, tanba tempu normais neebe hare ba kotuk dala
ruma governu ejekuta oitenta pursentu deit.
Nia dehan, Orsamentu 2019 nian
total mil Oitsentus I vinte sete Miloens, Mil Oitsentu I Vinte Sete Miloens de
dolar nee hasai tiha trezentus korenta Miloens, ba sosa asaun Conoco Philips
nian, hela un Milaun e Mil kuatrusentus oitenta sete Miloens, hasai tiha
oitenta Miloens neebe mai husi emprestimu nee iha Mil trezentus Noventa Miloens
de Dolar portantu.
Informasaun kompletu iha STL
Jornal, Edisaun Sesta (16/11/2018).
Carme Ximenes | Suara Timor
Lorosae
Sem comentários:
Enviar um comentário