DILI, (TATOLI) – Xefe Estadu
Maior FALINTIL-Forsa Defeza Timor-Leste (F-FDTL), Lere Anan Timur, husu ba
lider istóriku sira hanesn Xanana Gusmão, Ramos Horta no Marí Alkatiri, tuur
hamutuk halo diálogu atu rezolve impase polítika iha rai-laran.
“Ba dezenvolvimentu nasionál
liu-liu dada kadoras petróliu mai Timor-Leste ne’e labele iha pro no kontra, tanba
timoroan hotu-hotu hakarak mina mai
Timor , maibé ezije ba lider nasionál sira tuur hamutuk tau
ideia hamutuk para dada mina mai ne’e halo oinsá”, Lere ba jornalista sira iha
Palásiu Prezidente Nicolau Lobato, Bairru Pité, kuarta ne’e, hafoin enkontru ho
Prezidente Repúblika, Francisco Guterres Lú Olo, kona-ba seguransa no polítika
rai laran.
Nia dehan lider sira presiza tuur
hamutuk molok dada mina mai
Timor , nune’e aban bainrua mosu problema karik labele fó sala
ba ema ida de’it.
“Se aban bainrua problema iha,
na’in hira ne’e hamutuk rezolve problema. Labele tau todan ba ema ida de’it.
Tinan 2019 tenke sai nu’udar periodu diálogu ninian, tinan haksolok no tinan
domin nian”, eis lider rezisténsia ne’e afirma.
Lere akresenta diverjénsia ideia
ne’e normál no dalaruma agora sira buka malu la hetan malu maibé husu ba sira
(Xanana, Ramos Horta no Marí) buka malu no bolu mós atuál Primeiru-Ministru no
Prezidente Repúblika tuur hamutuk para rezolve hakotu ona inserteja iha rai
laran.
Jornalista: Xisto Freitas | Editora:
Rita Almeida
Imajen: Xefe Estadu Maior Jenerál
FALINTIL-Forsa Defeza Timor-Leste (F-FDTL), Lere Anan Timur. Imajen António
Goncalves
Sem comentários:
Enviar um comentário