segunda-feira, 5 de outubro de 2020

OJE 2020 Fo Fali Konfiansa

DILI, STLNEWS.co - Orsamentu Jeral Estadu (OJE) 2020 ho montante biliaun 1,4 97,1, bele fo fila fali konfiansa politika id aba povu, hodi nunee bele responde krize finanseiru iha rai laran.

Xefe Bankada PD, Antonio da Conceição dehan, bankada PD sente impaktu boot neebe agora TL hasoru iha tinan 2017 too ohin loron, neebe hatodan tan ho COVID-19 nian halo dezenvolvimentu la lao.

Tanba tuir nia katak, investimentu sira neebe mak espera mai, bele kria oportunidade ba empregu, maibe ema labele tama mai, tanba COVID-19. Ho situasaun nee halo sira ladun iha serteza politik ba sira.

“Importante atu haree ba orsamentu ida nee, hau hanoin iha prioridade balun neebe mak governu tenta atu aloka hanesan relatoriu husi komisaun C ekspoira ba prioridade sira neebe mak governu rasik hatur ona iha neeba. Tanba OJE 2020 nian fo deit espasu servisu iha fulan rua nia laran, maibe importante tebes liu mak fo fila fali konfiansa politika ida hodi bele repoin fila fali normalidade iha nasaun nee, ”tenik nia.

Eis Ministru Edukasaun iha governu da-6 nee konsidera importante mak COVID-19 defaktu halo komersiu internional lao, nee mak vantajen boot atu haree oinsa mak dezenvolvasaimentu pais bele insentiva fila fali elevusaun produsaun nasional nian.

Oportunidade atividades importasaun idas rekere maior konsumu iha pais no ida nee sei lori mos atu hahu investe. Tanba nee agrikultura tenke sai de prioridade sosiais nebe mak agora dadaun hatur iha fulan rua laran. Para alende prioridades sosiais neebe mak agora dadaun hatur iha fulan rua nia laran. Iha oportunidade badak nee, atu haree mos ba agrikultura sira.

OJE 2020, tuir Antonio katak, tenke iha nia efeitu politiku neebe mak diak atu lori lideransa sira tur hamutuk. Se iha pasadu ida neebe mak manan funu ho unidade nasional, tanba sa mak ohin loron tenke haketak malu, tanba deit kadeira.

“Tau importante atu ita salva povu no kria kondisaun. Atu povu nee bele moris diak, ida nee mak PD hein, ”nia salientea. Nia hatutan Iha debate espesialidade bele haree ba prioridade sira neebe governu hatur, hodi nunee bele haree saida mak atu lori fila fali ba iha 2021. *

Suara Timor Lorosae | Reportajen: Domingas Gomes | Editora: Carme Ximenes

Sem comentários: