quarta-feira, 19 de maio de 2021

Timor-Leste | Covid-19: Pozitivu 176, Rekoperadu 111

DILI, STLNEWS.co – Ohin loron 18 fulan Maiu, Centro Integradu Gestão de Crises, Sala Situação (CIGC-SS) rejistu kazu Covid-19 positivu hamutuk nain 176 rekoperadu 111.

Hatete Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo, liu husi nota Konferensia Imprensa, Tersa (18/05/2021).

Nia dehan, kazu detetadu foun neebe rejistu iha loron 18 fulan Maiu hamutuk 176. Husi numeru nee Munisipiu Dili nain 147, nomos munisipiu seluk nee iha nain 29.

Nia esplika, husi kazu foun ohin nee iha mane nain 107 no feto iha nain 69, maibe husi hirak nee iha ema neebe idade tinan 12 nain 3, maibe idade husi 12 too 59 nee iha 171, (97,1%, nomos neebe idade 60 iha nain 2. Sira nee iha sintomatiku hamutuk 7, 9%.

Aleinde nee iha Laboratoriu Nasional Saude halo teste PCR 1.116 nee iha Dili hotu, vijilansia sentinela 28, rastreiu ba kontaktu (contact tracing) 93, no rastreiu aleatoriu (random screening) 172. Sira nee hotu hakarak halo viajen sai husi serka sanitaria Munisipiu Dili 702, viajen internasional 83, follow up iha kuarentena 38.

Total testes PCR neebe halo horiseik dia 17 de Maiu iha Munisipiu sira seluk, REAOA no HNGV hamutuk 606, ho detalle hanesan Baucau 75, Ermera 95, Maliana 32, Maubisse 146, RAEOA 8, Suai 90, Viqueque 70, no HNGV 90.

Nia informa tan, total kazu konfirmadu kumulativu iha 18 fulan Maiu 2021 no sura husi 21 Marsu 2020, hamutuk nain 4.765.*

Reportajen: Natalina Lopes | Editora: Domingas Gomes

Sem comentários: