 |
DÍLI, SLTTIMORLESTE.com – Sidadaun sira iha direitu atu hatoo keisa ba Polisia Nasional Timor Leste (PNTL), wainhira hetan insultu husi ema ruma iha medial sosial (medsos) sira.
Membru Komisaun A trata asuntu Konstitusionais no Justisa, Deputadu Joaquim dos Santos hateten, durante nee tribunal seidauk kondena ema ruma insultu ema iha media social, tanba seidauk iha lei propriu atu prosesa autor sira nee.
Maibe nia dehan, sidadaun neebe hetan insultu iha media social iha direitu atu keixa ba polisia hodi halo investigasaun ba autor sira neebe utiliza media social hodi insulta ema seluk nia privasidade.
“Maske seidauk iha lei sibernetika, kuandu ema ida senti nia direitu hetan violadu nee tenki lori ba tribunal, tanba iha lei subsidiariu bele ajuda atu fo solusaun, por ezemplu lori ba Polisia Sientifika Investigasaun Kriminal sira no Ministeriu Publiku halo partisipasaun lori ema nee ba tribunal ,” hatete nia ba jornalista sira iha resintu PN, Kinta (12/04/2024).
Nia hatutan, iha nasaun balun mos lei sibernetika nee laiha, maibe prosesu iha tribunal lao nafatin, maibe iha Timor Leste nee maske ema neebe hetan insultu iha media social nonok deit.
Iha fatin hanesan, Deputadu Bankada Partidu KHUNTO, Antonio Verdial katak, iha kintu lejizlatura halo ona avansu signifikante, maibe momentu neeba kaduka tiha, tanba tama ona ba tinan politika maibe iha 2025 bele diskuti ona lei ida nee.
“Planu Komisaun A nian iha tempu besik ami sei haree asuntu ida nee, tanba lei sibernetika mos importante tebes,” nia tenik.
(alva) - Suara Timor Lorosae (STL)
Sem comentários:
Enviar um comentário