DEPUTADU CESAR VALENTE: “TIMOR LESTE NIA INTELIJEN FRAKU TEBES”

Dili - Too oras nee dadaun Servisu Inteljensia seidauk detekta tuir dadur nain 2 nebe mak halai sai hosi Prijaun Be­cora tinan kotuk no Inteljensia mos seidauk detekta lolos para­deru Prezidente Conselho Rev­olusionariu Maubere Mauk Moruk tanba nee mem­bru PN balu konsidera servisu inteljensia nian fraku tebes.

“Hau bele dehan katak Serilio Cristovao rasik mos la pasa tanba la susesu iha area Inteljensia nian hanesan ita hare dadaun Prijoneiru nain 2 nebe halai tinan kotuk liu ba to agora seidauk hetan  nee hatudu katak servisu ita nia inteljen nee fraku tebe-tebes tanba labele hetan deit droga maibe tenke hetan buat hotu hodi produs informasaun nebe mak atual , hanesan mos sira asaltu uma ida iha Becora tanba deit dehan Mauk Moruk subar iha neba sira ba serku tiha uma nee ema ida laiha nee dehan informador sira la pontual sira depois ema fo sala fali ita nia forsa sira,” hatete  membru komisaun B PN, Cessar Valente de Jesus, STL iha uma fukun Parlamentu Nasional Kinta (09/04).

Nia mos hatutan tan katak Komisaun B sei kolia ho gover­nu atu liu Ministru Defeza atu labele asumi knar dupla tanba oras nee dadaun Ministru Defeja sai mos hanesan Sefe Inteljensia nian no tuir nia kuandu kaer ser­visu dupla halo Ministru apertadu demais no la kontrola servisu balu.Nunee mos ho Kordenador Program AJAR, Inocencio Xa­viel, mos hatete katak servisu intel­jensia nee lolos sai hanesan sekretu atu ema hotu labele hat­ene maibe realidade iha TL ko­ntrariu tanba iha inteljen balu hat­udu an momos deit kuandu hemu lanu.

“Ema sai inteljen nee lolos nee sekretu ema hot lahatene maibe saida mak akontese iha ita nia rai inteljensia nee hatudu an momos deit at liu tan mak kuandu hemu lanu ona nee ema la hatene mos nain deskobre an katak nia inteljen no hatudu pistol no radio momos deit tanba nee ho hahalok ida hanesan nee susar tebes atu hetan informasaun tanab ema sei la fo informasuan kuandu inteljen la taka an,” hatete Inocencio.

Entertantu Diretor Asos­ia­saun HAK, Manuel Monteiro, mos hatete atu inteljensia halo nia ser­visu diak liu tan tenke fasilita no kap­asita nomos kria kondisaun nebe diak ba sira atu nunee intelj­ensia sira bele buka informasaun ho diak se lae inteljensia sira susar atu hetan informasaun nebe mak atual. Thomas Sanches

Suara Timor Lorosae