Dili,
Radio Online, Membru Falintil Forsa Defeza Timor Leste (F-FDTL),
segundu Sarjentu, João Xavier, husi centru formasaun terenu, kuarta
feira 8/04/2015, tuku 8:00 dader, iha Metinaru hakotu nia vida ho
kilat musan.
Entertantu,
Maijor Jeneral Lere Anan Timur, nia parte foin rona informasaun ne’e wainhira
nia hasoru malu ho Prezidenti da Republika, Taur Matan Ruak, loron hanesan iha
tuku 9:00 dader tan ne’e nia sei halo konfirmasaun.
“Informasaun ne’e hau hasoru Prezidenti da Republika mak rona, tan ne’e hau sei halo konfirmasaun ”, dehan Maijor Jeneral, ba jornalista sira iha Palasiu Prezidenti Aitarak Laran.
Iha fatin hanesan Ministru Defeza, Cirilio Critovão, hateten nia simu duni informasaun katak Membru F-F-FDTL, tiru mate nia an maibe razaun saida, nia parte seidauk hatene, sei halo prosesu investigasaun.
“hau foin simu duni informasaun, maibe razaun saida mak nia tiru mate nia-an, ita seidauk hatene, husu ba maluk jornalista sira atu hein tamba ne’e sei iha prosesu investigasaun”, dehan Ministru defeza.
Tuir informasaun ne’ebe radio liberdade asesu katak dadaun mate isin lori ona mai iha Hospital Nasional Guido Valdadares (HNGV) hodi halo prosesu autopsia.
Rádio
Liberdade Dili
Sem comentários:
Enviar um comentário