Dili,
Radio Online, Seketaria Estadu Para Apoiu Sosio Ekonomiku Muller (SEM),
Organiza Formasaun Kontabilidade no Jestaun Negosiu ba Feto emprezaria nasional
sira, loron haat, hahu 27-30 fulan Abril, ho tema jeral, “Hakbiit Feto iha
Konstrusaun” iha Segunda, 27/4/15, iha Tower Fatuhada, Dili.
Assesor
Asuntu Sosio Ekonomia, Eusebio Guiteres esplika katak, formasaun Negosiu
jestaun kontabilidade ne’e fokus liu ba grupu rua, Buikeli Anan Atauro ho
grupu ida seluk husi Natarbora, kuaze orsamentu tres mil dolar mak aloka ba
programa hirak ne’e.
“Kontraktor
feto ne’e inisiu fokus liu ba munisipiu tolu, Aileu, Ermera no Liquisa, tamba
programa SEM ba 100 dias nian hahu uluk iha ne’eba, hafoin ida ne’e mak
ba fali Munisipiu sanolu”, dehan Eusebio.
Eusebio
informa tan, SEM kapasita jestaun orsamentu ka kontabilidade, tamba hakarak
hakbiit kontraktor feto sira ne’e atu forte liu tan iha futuru.
“Hanorin
mos oinsa kontraktor feto sira tenke konsidera ba banku ne’e hanesan
parseiru, maibe kontabilidade ladiak banku la fo kreditu, tamba banku halo
servisu buka lukru, ne’e duni ita mos tenke kontabilidade forte”, dehan
Eusebio.
Iha
fatin hanesan, Leontina dos Santos, Direktora kompaña Royal Timorense, hanesan
mos partisipantes emprezaria ferto nasional, hateten, Formasaun ne’e diak
tebes ba feto, tamba liu husi formasaun hanesan ne’e atu habelar feto nia
koñesimentu iha ekonomia no oinsa bele halo jestaun.
“Liu
husi formasaun ne’e mos feto bele hatene, oinsa halo jestaun iha ekonomia, para
bele hari negosiu diak ida, maske osan iha, maibe kuandu laiha jestaun ne’ebe
diak, negosiu sei la lao ba oin”, tenik Leontina.
Fatima
Afonso – Rádio Liberdade Dili
Sem comentários:
Enviar um comentário