Dili,
Radio Online, Prezidenti Republika, Taur Matan Ruak, hala’o enkontru
bilateral ho Prezindenti Republika Indonesia, Jokowi, hodi diskuti konaba
fronteira rai maran no maritima ne’ebe dadaun ne’e iha prosesu nia laran.
Iha
enkontru ne’ebe hala’o kinta feira loron 23/04/2015, iha salaun Jakarta
Convention Centre (JCC), Xefe Estadu Indonesia, Jokowi, apresia tebes ba
relasaun Nasaun Indonesia no Timor Leste, ne’ebe durante tinan Sanolu
resin tolu nia laran, lao diak maske asuntu fronteira seidauk iha
solusaun.
Iha
enkontru ne’e, Xefe Estadu Taur Matan Ruak, Konvida direitamentu
Prezidenti Indonesia Jokowi, atu mai Vizita Timor-Leste ,
hodi hametin liu tan relasaun entre nasaun rua ne’e.
Partisipa
iha enkontru refere, Ministru Negosiu Estanjeiru Timor-Leste, Hernani Coelho, Xefe
Casa Civil Prezidensia, Fidelis Leite Mangalhães, Embaixador Timor-Leste ba
Indonezia, Manuel Serano, Ministru Negosiu Estrajeiru Indonesia, inklui
delegasaun sira seluk.
Oras
ne’e dadaun, Xefe Estadu ho nia delegasaun sei iha Jakarta, Indonesia, atu
partisipa Aniversariu Azia-Afrika ba dala ne’en nolu (60), hafoin kontinua
viajem ba Bandung, Indonesia, atu partisipa konferensia Azia-Afrika husi loron
19-24 fulan Abril 2015.
Theodosia
Reis – Rádio Liberdade Dili
Sem comentários:
Enviar um comentário