POLISIA MILITAR SERKU L7 NIA UMA, LAOS HARE BA VETERANUS

DILI - Reprezentante povu iha Uma Fukun Parlamentu Nasional konsideira Polisia Militar nebe halo serku ba Cornelio Gama alias L7 nia rezidensia, nee lahare ba veteranus ka eis deputadu, tamba hanesan sidadaun, L7 tenki kontribui ba paz no estabilidade iha rai laran.

Membru PN husi komisaun F neebe tarta asuntu Saude, Edukasaun, Kultura, Veteranus e Igualdade de Jeneru, deputadu Leonel Marcal afirma, serku neebe mak forsa armadas liu husi Polisia military halo ba rezidensia L7, lahare ba veteranus ka eis deputadu, maibee wainhira sidadaun se deit maka deskonfia subar ka uja sasan illegal, militar iha direitu atu bele halo kapturasaun.

Serku neebe mak Polisia Militar halo ba Cornelio Gama alias L7 nee lasala, tamba hau hanoin L7 hanesan ema veteranus luta nain terus nain durante 24 anus iha ailaran ninia didika nia a’an tomak tamba atu bele fo libertasaun ba rai ida nee, tamba saida mak L7 labele kontribui ba estabilidade,” dehan deputadu Leonel ba STL, iha PN, Dili, Kuarta (29/04/2015).

Iha fatin hanesan membru PN husi bankada PD, deputadu Paulino Monteiro hatete, veteranus hotu tenki kontribui, liu liu interese nasional, agora ema ida nebe maka hanoin seluk ida nee individu nian. Informasaun kompletu iha STL Jornal no STL Web, edisaun Kinta (30/4/2015). Carme Ximenes

Suara Timor Lorosae