L-7: LABELE FO KULPA BA MEDIA

Cornelio Gama ‘L-7’ alerta katak, labele impede servisu media nian no labele fo kulpa ba Media sira tanba media sira hakerek ne’e fontes mak koalia.

“Lahatene fo dadauk ne’e Parlamentu hatete surat ida dehan Jornal ou media mak halo sala, ha’u dehan nusa mak media hakerek tiha fontes iha neba, kasete mos iha tanba sa media mak sala,”preokupa L-7 ba Jornalista sira, iha Bidau Mota klaran,Tersa (30/06), hodi hatan iha ona resposta ba karta petisaun ba Prezidente Repúblika, Parlamentu Nasional, Governu no Tribunal ne’e nia progresu.

Nia hatutan ameasa hanesan ne’e kontra lei liberdade demokrasia, ameasa kontra RDTL, dehan lori labarik kiik iha manifestasaun ne’e labarik sira lakohi iha korupsaun, Injustisa sira iha dereitu ne’e mak partsipa iha manifestasaun.

Kontinua manda karta ba Prezidente Republika, Parlamentu Nasional, Governu no Tribunal, L-7 esplika, konteudu husi Karta maka hanesan ,Injustisa, Korupsaun, Desfamasaun,kontra lei artigu 43, kontra artigu konselu libertasaun nasional,tanba ne’e sei hein respostas husi Xefe Estadu,Governo Tribunal, Parlamentu Nasional.

“To’o agora seidauk iha resposta, laiha resposta ne’e mak sira komesa halo asaun bebeik ne’e,”hatete L-7.

Antes ne’e L-7 hatete, respostas husi Xefe Estadu, Tribunal, Governu, sei lê sai ba publiku bele hatene respostas kada orgaun soberanu nian, maibe to agora laiha resposta husi orgaun hat.

Karta petisuan L-7 hato’o relasiona antes ne’e realiza Manifestasaun nebe mak halo deit komferensia empremsa foin lalais no manda karta ba orgaun soberanio hanesan Tribunal, Prezidente Republika, Parlamentu Nasional, Governu hodi fo respostas husi Karta.

Objetivu husi manifestasaun atu hadia fallansu no problema ne’ebe maka mosu iha ukun rasik an, hanesan konflitus, korupsaun, injustisa, tanba buat sira ne’e hotu maka lahadia futuru nasaun nian sei sai oinsa los.

Tanba ne’e, L-7 preokupa karta petisaun ne’e, seidauk iha resposta husi orgaun hat ne’e. Eus

Jornal Nacional