Governu
liu husi Sekretariado Estado Joventude no Desportu (SEJD), sei lamete no la
halo intervensaun ba polemika entre Asosiasaun Hadomi Futebol (AMANTE) ho
Federacão Futebola Timor Leste (FFTL).
SEJD
Leovigildo Hornai esklarese katak, Estadu buka meus atu rezolve, maibe la’os
atu intervein. Katak, solusaun la’os atu dehan AMANTE maka manan ou FFTL maka
manan, maibe tenke hatuur buat hotu tuir Lei haruka.
“Lei
maka koalia buat hotu, ema ida labele inpoin fali ema ida nia hakarak, ema
seluk labele halo rezistensia ou defende nia interese rasik, buat hotu tenki
interese nasional,’’ hateten Leogivildo ba jornalista sira iha Liceu, Dili,
Kinta (25/06/2015).
Leogivildo
hatete, asaun konkreta ne’ebe Governu halo mak oras ne’e dadaun Governu buka
hatene, buka halo aprosimasaun, laos AMANTE ou FFTL deit, maibe ba sidadaun
hotu-hotu, sosiadade sivil nia hanoin oinsa, estudante, akademiku, no
seluk-seluk tan.
Tuir
Leogivildo katak, husi hanoin bar-barak mak depois tau hamutuk hodi buka
solusaun ba probelam ne’e. Maske, Governu iha responsabilidade boot atu
dezenvolve desportu iha rai laran.
“Hau
iha obrigasaun politika atu dezenvolve seitor desportu iha rai laran, inklui
ajuda parte hotu-hotu hodi dezenvolve modalidae desportu hotu bele lao,’’
hateten Leogivildo.
Leogivildo
mos konsidera, ejijensia AMANTE hakarak reforma estrutura FFTL ne’e hanesan
ideas ida. Tanba ne’e, tenki tau iha meja hodi ema hotu deskute. Atu dehan deit
katak, dialogu mak dalan no solusaun diak.
Leovigildo
klarifika katak, iha duni jogador naturalisasi mak oras ne’e dadaun barak liu,
tan ne’e nia parte esforu hela hodi investe makas ba jogador nasional sira atu
prepara sira didiak hodi evita futebolista naturalisasi.
Antes
ne’e AMANTE organiza manifestsaun durante loron 3 iha edifisiu FFTL nia oin
hodi ejije reforma estrutura FFTL relasiona ho kazu Orlando Mendes ho Moizes
ne’ebe polisia Singapura kaptura, tanba diskunfia simu soburno hodi halakon
Timor Leste kontra Malaysia. Maibe, manifestasaun ne’e la lori solusaun no la iha
rezultadu ba ajijensia AMANTE nian. nia
Jornal
Nacional
Sem comentários:
Enviar um comentário