DILI
- Korrupsaun agora kontinua aas iha Nasaun Timor Leste (TL) no susar atu
kombate, tamba Parlamentu Nasional (PN) la iha seriadade atu aprova lei anti
korupsaun, hodi tau matan ba ema neebe halao korupsaun.
Lia
hirak nee hatoo husi Observador Justica Jose Anteiro de Olivera, ba STL iha
Parlamentu Nasional, Segunda (20/07/2015).
Ita
hotu mehi atu hadia dezenvolvementu ba povu no nasaun, maibee durante nee mosu
oin seluk tamba korupsaun aas, ema hotu hakarak luta atu kombate korupsaun nee,
maibee ita nia Parlamentu Nasional rasik hakiak korupsaun, tamba sira la kohi
aprova lei Anti korupsaun,” hateten Jose Anteiro.
Nia
hatutan lei anti korupsaun nee la aprova e media sira sukit bebeik, halo
Deputadu sira balun hirus no husu hatudu evidensia konaba ukun nain sira halo
korupsaun.
Deklarasaun
husi Deputadu sira nee, halo povu laran makili, tamba ukun nain sira matan
delek no tilun diuk, la hare Eis Ministra Justica Lucia Lobato ho Administrador
Distritu Dili Ruben Bras nebe tama kadeia, agora husi parte justisa akuza tan
Prezidente Parlamentu Nasional Vicente Guterres, Eis Ministra Finansas Emilia
Pires no Tribunal agora halao hela julgamentu ba Eis Ministru eduksaun Joao
Cancio.
Iha
parte seluk Deputadu Bankada PD, Virgilio Hornai hatete, durante nee ema hotu
koalia konaba korupsaun, maibee laiha faktus ruma hatete ema nee halo
korupsaun. Informasaun kompletu iha STL Jornal no STL web, edisaun Tersa
(21/7/2015). Joao Anibal
Suara
Timor Lorosae
Sem comentários:
Enviar um comentário