Reforma
Administração Publica, Reforma Fiscal no Refoma Legislativa hanesan plano
prioridade VI Governo Constitucional.
“Ita
haree prioridades ne’ebe maka Primeiro Ministro hakarak atu alkansa iha mandato
VI Governo Constitucional maka hanesan, Reforma Administração Publica nebe
ligasaun ba ho Comissão Fúnção Pública (CFP), Reforma Fiscal, ida ne’e
Ministério das Finanças nia area, Reforma Legislativa, ida ne’e area Ministério
da Justiça sei liga reforma Sétor Justiça,” Ministro de Estado, Coordenador dos
Assuntos da Administração do Estado e da Justiça (MECAAEJ), Dionisio Soaraes
Babo Ph.D hatete, wainhira preside encontro mensal ho Ministerio da Justiça
(MJ), Ministério Administração Estatal (MAE), Secretaria de Estado
Fortalecimento (SEFI), Inspecção Geral do Estado (IGE), Instituto Nacional
Administração Pública (INAP) iha Salão Encontro ADN, Palacio do Governo, Kinta
(09/07/15).
Relasiona
ho programa prioridades husi Primeiro Ministro, hanesan reforma iha area
Administração Pública, Reforma Fiscal no Reforma Sétor Justiça, MECAAEJ husu ba
instituisaun sira ne’ebe tutela ba MECAAEJ atu esforsu hodi hodi alkansa
programa sira ne’e. MECAAEJ mos husu ba Secretaria de Estado Fortalecimento
Institucional (SEFI), husi Unidade Diagnostika kria relasaun ho Commisão Função
Pública (CFP) .
Iha
sorumutu ne’e Gestor Prinsipal SEFI, Francisco Borulaco Soares hatete, SEFI
halao ona diagnostiko Nasional ba Minestério Solidariedade Social (MSS) hakotu
ona ho prezensa Ministra no Vice Ministro. Rejultado diagnostica preliminario
aponta katak nivel maturiedade institucio nal sei iha nivel 3,4 (frako), li-liu
iha area Gestaun Rekur sus Humanus, Planu, Or samento, Aprovisionamento,
Patrimonia de Estado.
“SEFI-UNDP
dezenha ona esboso ida konaba “Policy Paper”/Nota Politica ba estrategia
Fortalecimento Institucional visaun 2030. Policy Paper ida ne, hanesan politica
VI Governo Costitucional hodi ho referencia rejultado Diagnostiko Nasional nebe
governo hahu tiha ona halao iha tinan 2014,” Borulaco apresenta.
SEFI
ho UNDP mos dejenha ona Plano Estratejiko Desemvolvimento Institucional visaun
2030, esbosa ida ne sei halao diskusaun ho entidade husi MEAAEJ hotu hodi hetan
nia opiniaun ruma nebe kontribui ba Fortalecimento Institucional. “Ami dezenha
mos ‘Nota Parceira’ Fortalecimento Institucional visaun2030, documento ne
apresenta ba MEAAEJ e hetan ona rekomendasaun hodi bele hadia, hodi alina an ba
PEDN visaun 2030,” Borulaco haktuir.
Tuir
plano SEFI prepara hela diagnostiko ba PNTL (Pedido husi PNTL) tuir calendario
sei halao iha loron 22-24 de Julho de 2015. Sorumuto ne sei marka presensa husi
MEAAEJ e Comandantes, Inspectores Municipios 13 inklui UPF Fronteira.
Formasaun
ba Instituisaun de Estado
Iha
fatin hanesan, Diretor Jeral, Instituto Nacional Administração Pública (INAP),
Agostinho de Deus, aprezenta plano INAP ba MECAAEJ, hatete, programa INAP
ne’ebe halo ona hanesan Reajustamento ba formatu foun tuir atividades rutinas
hanesan, halo formasaun iha distritu hotu, formasaun iha nivel nasional hanesan
kursu basico. “INAP sei halo koordenasaun ho IGE hodi hare ba programa hanesan,
Regime especial ba auditoria hodi halo kurikulum no denzenho materia. Iha tempo
badak INAP no IGE sei organiza seminar ida ba Ispector Geral iha Instituição
estado sira hotu,” Agostinha esplika hodi haktuir, INAP sei kordena ho SEFI
hodi diskuti sobre konseptu de formação nebe mak durante ne halo husi SEFI,
INAP no CFP. “Sei kria foramsaun ba instituição de estado hotu sobre oinsa
prepara enkontru no oinsa prepara minuta.”
Formasaun
ba Inspector Auditoria
Husi
Inspecção Geral do Estado (IGE) apresenta plano nebe’e mak alkansa ona no mos
plano ne’ebe mak sei kontinua lao hela. Tuir Diretor Nacional Administração e
Finanças IGE, Alberto Carvalho dos Santos, IGE agora kria template planu
operacional husi kada departemento maka hasae ba iha Diresaun ida-idak. IGE mos
halao ona Formação no treinamento konaba Touls and tecnicak auditorial
internal, objectivo atu prepara ba dia 21 ate 27 de Julho de 2015 hodi halo
formação ba Ispector Auditoria sira.
“IGE
sei Coordena ho INAP atu diskuti sobre formação/kurikulum Ispector Auditorial,
sei halo treinamento konaba jestaun ejekusaun orsamento,” Alberto haktuir.
Iha
encontro mensal ne’e mos MECAAEJ informa katak Concelho dos Ministros aprova
ona Orçamento Geral do Estado (OGE) tinan 2016 ba Ministério de Estado,
Coordenador dos Assuntos da Administração do Estado e da Justiça (MECAAEJ ho
montante 1.3 biloens. “Ne’e duni hau husu ba dirigentes no ponto focal sira
hotu atu tur deskuti ona Plano Acção Anual (PAA), Planu Orsamento no Plano
Aprovisionamento hodi submete mai iha Gabinete MECAAEJ loron ha’at (4) antes
submete ba iha Gabinete Primeiro Ministro (PM),” Ministro Dionisio hatete ba
dirigentes husi Ministério, Secretária de Estado no Instituisaun sira ne’ebe
tutela ba MECAAEJ.
“Instituição
hotu nebe tutela mai iha MECAAEJ nia okos tenki apresenta saida maka halo ona
no saida maka persija halo ba oin, baseia ba envelopi fiskal tenki hare
programa prioridades, coordenação entre ita liu liu iha ambito formação lao
oinsa. Prepara kalendario interna sobre preparasaun PAA, Planu Orsamentu no
Planu Aprovisionamento. Hau husu ba Instituição hotu nebe tutela husi MECAAEJ
atu kumpri ona Administrativo hanesan, prense ona template planu orsamento no
planu aprovisionamento. Tempo ikus atu hatama mai iha Gabinete MECAAEJ maka dia
10 de Agustus de 2015, hatama mos relatorio evoluçãoo fisica tempo ikus hatama
mai gabinete MECAAEJ 24 de Julho de 2015, atu nune antes submete ba iha
gabinete PM ekipa teknik sira bele halo uluk evaluação,” MECAAEJ hatete hodi
taka encontro mensal ne’e. */mia
Jornal
Nacional
Sem comentários:
Enviar um comentário