Unidade
entre povu no kombatente sira esensiál ba libertasaun Timor-Leste nian no ohin
tenke hanoin hikas hanesan elementu reforsu konfiansa sosiedade nian iha instituisaun
sivil no militár sira, hatete ohin Prezidente Repúblika.
"Bele
hetan Restaurasaun independénsia tanba iha unidade loloos entre povu no
kombatente sira, ba servisu Nasaun nian", tenik Taur Matan Ruak iha
serimónia aniversáriu Falintil ba dala 40, liman kro’at rezisténsia timoroan.
"Lisaun ne’e kontinua sai importante, iha prezente no ba futuru nasaun nian.
Presiza reforsa unidade, no reforsa konfiansa povu nian iha instituisaun, sivil no militár sira", nia hatete.
Serimónia komemorasaun aniversáriu ba dala 40 "instituisaun antiga Estadu Timor-Leste nian", hala’o iha Tasi-tolu, iha fatin ne’ebé iha tinan 2002 hala’o serimónia restaurasaun independénsia nasaun nian.
Iha nia diskursu, Taur Matan Ruak relembra katak F-FDTL hanesan "instituisaun ne’ebé forte, iha renovasaun ne’ebé lais, ne’ebé haree ba futuru ho konfiansa, sein haluha lisaun sira istória nian" no nia papel iha kriasaun "kondisaun foun hodi enkuadra sidadaun sira-nia partisipasaun iha defeza rai doben Timor no ita-nia komunidade nian.
"Kria Falintil hanesan manifestasaun vontade nasionál no adezaun povu nian ba Falintil hanesan espresaun determinasaun no vontade partisipasaun, no hatan ba apelu líder sira-nian, iha defeza ba ita-nia rain", afirma komandante ikus Falintil sira-nian.
Xefe Estadu rekorda "derota no vitória" no "debate hodi adapta estratéjia Rezisténsia no Falintil sira-nian hosoru dezafiu okupasaun nian", ho rezisténsia ne’ebé atu hetan mesak hodi "deskobre estratéjia foun no solusaun hodi garante sobrevivénsia Falintil sira-nian, Rezisténsia no povu nian".
"Bele hetan vitória tanba komportamentu sira ne’ebé rezisti - iha foho, sidade, iha kampu. Iha mós sira ne’ebé dezisti. Maibé vitória mai hosi rezultadu esforsu no sakrifísiu hosi sira ne’ebé luta no la dezisti", nia afirma.
Taur Matan Ruak, ne’ebé rekorda "onra boot" hosi nia vida, maka "servi nasaun durante tinan 36 iha Falintil no Falintil-FDTL", konsidera ohin katak prinsipál kombate instituisaun nian maka dezenvolve no aumenta kompeténsia téknika no profisionalizmu.
SAPO TL ho Lusa
"Lisaun ne’e kontinua sai importante, iha prezente no ba futuru nasaun nian.
Presiza reforsa unidade, no reforsa konfiansa povu nian iha instituisaun, sivil no militár sira", nia hatete.
Serimónia komemorasaun aniversáriu ba dala 40 "instituisaun antiga Estadu Timor-Leste nian", hala’o iha Tasi-tolu, iha fatin ne’ebé iha tinan 2002 hala’o serimónia restaurasaun independénsia nasaun nian.
Iha nia diskursu, Taur Matan Ruak relembra katak F-FDTL hanesan "instituisaun ne’ebé forte, iha renovasaun ne’ebé lais, ne’ebé haree ba futuru ho konfiansa, sein haluha lisaun sira istória nian" no nia papel iha kriasaun "kondisaun foun hodi enkuadra sidadaun sira-nia partisipasaun iha defeza rai doben Timor no ita-nia komunidade nian.
"Kria Falintil hanesan manifestasaun vontade nasionál no adezaun povu nian ba Falintil hanesan espresaun determinasaun no vontade partisipasaun, no hatan ba apelu líder sira-nian, iha defeza ba ita-nia rain", afirma komandante ikus Falintil sira-nian.
Xefe Estadu rekorda "derota no vitória" no "debate hodi adapta estratéjia Rezisténsia no Falintil sira-nian hosoru dezafiu okupasaun nian", ho rezisténsia ne’ebé atu hetan mesak hodi "deskobre estratéjia foun no solusaun hodi garante sobrevivénsia Falintil sira-nian, Rezisténsia no povu nian".
"Bele hetan vitória tanba komportamentu sira ne’ebé rezisti - iha foho, sidade, iha kampu. Iha mós sira ne’ebé dezisti. Maibé vitória mai hosi rezultadu esforsu no sakrifísiu hosi sira ne’ebé luta no la dezisti", nia afirma.
Taur Matan Ruak, ne’ebé rekorda "onra boot" hosi nia vida, maka "servi nasaun durante tinan 36 iha Falintil no Falintil-FDTL", konsidera ohin katak prinsipál kombate instituisaun nian maka dezenvolve no aumenta kompeténsia téknika no profisionalizmu.
SAPO TL ho Lusa
Sem comentários:
Enviar um comentário