DILI
- Advogadu husi arguidu Joao Cançio hatama ona rekursu ba iha Tribunal
Distrital Dili (TDD) hodi hatoo ba iha Tribunal Rekursu.
Tuir
offisial justisa neebe mak lakohi temi naran hatete, kona ba rekursu arguidu
Joao Cançio nian TDD simu ona husi parte advogadu arguidu nian. Maibe kona ba
saida mak hatete iha rekursu nia laran so parte defesa mak bele esplika klean
kona ba pontus husi rekursu nee rasik.
Oras
nee rekursu nee sei prosesu hela iha parte seksaun krime nian. Depois seksaun
krime hatoo ba iha juis prosesu mak foin halo despaisu ba tribunal neebe as.
Too notisia nee tun diario nee seidauk halo konfirmasaun husi parte defesa
arguidu nian.
Antes
nee iha loron 20 Jullu TDD aplika pena prizaun tinan 7 ba arguidu Joao Cançio
no selu indimizasaun ba estadu ho valor rihun $500. Enkuantu arguidu Tarsisio
do Carmo tama kadeia tinan 3 fulan 6 no selu indimizasaun ho valor rihun $200.
Iha
audensia julgamentu tribunal lee sai leitura akordaun katak, Ministeriu Publiku
akuza arguidu Joao Cançio ho Tarsisio ba krime partisipasaun ekonomio em
negosio tuir artigu 299 kodigu penal TL. Faktus husi MP nian provadu hotu,
arguidu nain rua partisipa direita ba faktus neebe mak MP akuza. Projetu TV
edukasaun nee la liu husi diresaun Aprovizionamentu Ministeriiu Finansas no Ministeriu
Edukasaun neebe hanesan nain ba projetu nee.
Iha
projetu nee la fo oportunidade ba kompania seluk hodi konkore iha projetu nee,
no arguidu Joao direita ho kompania Lararkia hodi kaer projetu neebe ikus mai
la lori rejultadu diak ba estudante sira hodi aporveita hare TV educasaun neebe
mak ME rasik planu tiha ona. Ho ida nee tribunal sei aplika pena prizaun tinan
7 ba arguidu Joao, no selu indimizasaun ba estadu ho valor rihun $500 no selu
mos kustu judisiario ho osan $100. No arguidu Tarsisio tribunal aplika pena
prizaun tinan 3 fulan 6 no selu indimizasaun ba estadu ho valor rihun $200 no
selu mos kustu judisiario ho valor $50. Informasaun kompletu iha STL jornal no
STL Web, edisaun Tersa (18/8/2015). Domingas Gomes
Suara
Timor Lorosae
Sem comentários:
Enviar um comentário