Governu
timoroan sei hatama desizaun hosi Kámara Konta nian nebe rekuza vistu préviu ba
kontratu boot tebes iha nasaun ne'e, ho dolár millaun 720, ba dezeñu no
konstrusaun hosi Baze Apoiu iha Suai.
Desizaun
hatama rezultadu ne'e hetan aprovasaun iha reuniaun hosi Konsellu Ministru sira
iha loron-tersa no sei formaliza ba Kámara Kontas nian antes nia prazu hotu iha
loron 15 nia laran nebe previstu iha lei, nebe hahú hosi loron 26 Outubru,
loron nebe parte sira ne'e hetan notifikasaun.
Seidauk
hatene fundamentu sira hosi rekursu ezekutivu timoroan nian, tanba fonte hosi
Kámara Konta nian esplika ba Lusa iha fulan-Outubru nia rohan katak rekuza
vistu préviu ne'e akontese tanba "laiha konformidade ho norma fundamentál
sira nebe hala'o iha Timor-Leste".
Lei
konsidera katak "konstitui fundamentu hosi rekuza vistu ne'e ba falta
inklui iha orsamentu iha rubrika apropriadu, nune'e mós ba diskordánsia hosi
hahalok sira, kontratu sira no intrumentu sira nebe refere ho lei sira nebe
hala'o".
Fó
sai ona iha fulan-Juñu katak konstrutora súl-koreanu Hyundai Engineering &
Construction konsege hetan ona kontratu ho folin dolár millaun 720 ba dezeñu ho
konstrusaun ba Baze Apoiu nian iha Suai, nebe konsidera hanesan importante ba
atividade sira hosi esplorasaun petrolíferu iha Tasi Timor.
Kontratu
refere ba "dezeñu no konstrusaun hosi Baze Lojístiku Suai nian",
elementu sentrál ida hosi projetu Tasi Mane nian, elementu prinsipál ida hosi
Planu Estratéjiku Dezenvolvimentu (PED) Timor-Leste nian.
Iha
tinan hirak ikus ne'e, empreza koreanu tama iha sentru hosi eskándalu boot ida
hosi obra públiku nian iha Koreia-Súl, nebe envolve ona empreza sanulu resin
nebe akuzadu ba konspirasaun no prátika iregulár sira iha obtensaun hosi
kontratu públiku sira.
Empreza
ne'e hetan bandu atu aprezensa ba konkursu públiku sira iha nia nasaun rasik
durante tinan rua tanba iha iregularidade oioin.
Fonte
nebe hatene prosesu ne'e konfirma ona ba Lusa katak antes iha rekuza hosi
Kámara Kontas nian no antes asinatura hosi kontratu, iha fulan-Agostu nia
rohan, Governu timoroan simu beibeik ona informasaun kona-bá eskándalu nebe
empreza ne'e halo.
Empreza
lakon ona kontratu sira ho folin dolár millaun rihun 2,8, bainhira tama iha
lista metan ida hosi organizasaun oioin, no hetan ona multa ho osan dolár
millaun 20 resin.
Tanba
multa sira nebe aplika hosi Komisaun Konkorénsia koreanu nian no ba rekursu
sira nebe lakon iha tribunál oioin, empreza hetan bandu hodi labele kandidata
ba projetu públiku sira iha Koreia-Súl to'o tinan 2016 nia klaran.
Entre
iregularidade sira nebe hetan iha konspirasaun no hahalok ladi'ak sira iha
kontratu públiku oioin, inklui akordu sira hodi inflasiona folin sira, hodi
hamosu blokeiu sira iha asesu ba kontratu sira iha nasaun oioin, inklui iha
Indonézia.
Lei
orgániku hosi Kámara Konta nian, aprova iha 2011, determina katak vistu préviu
tenki "presiza ba despeza sira no ba akizisaun patrimoniál ruma nebe aas
liu dolár rihun 500", folin nebe aumenta maka'as, ba millaun lima, iha
fulan-Agostu tinan 2013.
Tuir
lei, kontratu sira tenki iha fiskalizasaun antes "bele hetan de'it nia
efeitu sira, iha kontratu no iha finansa, hafoin haree tiha" hosi Kámara
Konta nian.
Tasi
Mane hanesan projetu plurianuál ida nebe envolve konstrusaun hosi baze apoiu
nian, hosi refinaria iha Betanu, hosi unidade prosesamentu Gás Naturál
Liquefeito (GNL), hosi portu no aeroportu iha Suai, hosi gazodutu to'o kampu
Greater Sunrise no hosi autoestrada Suai-Beasu.
Ho
baze iha kontratu, esplika empreza, unidade rua hosi Hyundai Motor Group -
Hyundai Engineering &. Construction Co ho Hyundai Engineering Co - sei
"harii pontaun ida no infraestrutura lojístiku sira hodi bele uza ba
esforsu sira hosi dezenvolvimentu petrolíferu iha Suai.
Konstrusaun
hosi pontaun ho kilómetru 3,3 no pontaun ki'ik sira seluk reprezenta 60% hosi
folin kontratu nian.
Hanoin
ona katak konstrusaun ne'e sei hotu to'o fulan-Setembru 2018.
SAPO
TL ho Lusa
Sem comentários:
Enviar um comentário