Lula da Silva duun kolonizasaun portugeza tanba atrazu sira iha Edukasaun iha Brazil

Iha loron-sesta ne'e eis-prezidente Brazil nian Lula da Silva duun kolonizasaun portugeza tanba atrazu sira iha edukasaun brazileiru nian, nia afirma katak Álvares Cabral deskobre nasaun ne'e iha tinan 1500 no universidade brazileiru dahuluk harii de'it iha tinan 1922.

"Ha'u hatene katak ne'e ladún fó ksolok ba ema portugés sira, maibé Cristóvão Colombo to'o de'it iha Santo Domingo [agora Repúblika Dominikanu] iha 1492 no iha tinan 1507 harii ona Universidade ida. Iha Peru harii iha 1550, iha Bolívia harii iha 1624. Iha Brazil, universidade dahuluk harii de'it iha 1922", hatete hosi Lula da Silva, iha loron-sesta ne'e, iha konferénsia ida iha Madrid, ne'ebé organiza hosi diáriu El País.

Ba Lula da Silva, ne'ebé kompara ona hahalok sira hosi nasaun kolonizadór sira hosi España no Portugal iha área respetivu sira hosi influénsia ne'e, faktu ne'e "justifika atrazu sira iha edukasaun iha Brazil".

Universidade brazileiru dahuluk maka Universidade Rio de Janeiro, ne'ebé rezulta iha junsaun hosi Fakuldade Medisina nian, Direitu no Enjeñaria. La hanesan ho okaziaun sira, Lula da Silva la refere katak baze sira hosi Ensinu Superiór brazileiru lansa antes, iha sékulu XVII no XVIII nia rohan.

Iha 1792, harii ona Real Akademia ba Artillaria, Fortifikasaun no Dezeñu, instituisaun ensinu superiór prekursór hosi Universidade Federál Rio de Janeiro nian. Iha 1808 harii ona Fakuldade Medisina hosi Baía, bainhira Koroa portugeza to'o iha Brazil.

Brazil sai independente hosi Portugal iha 1822.

Argumentasaun hosi Lula da Silva iha Madrid hakarak liuliu "elite brazileiru sira" iha tinan 100 ikus ne'e, kompara ho "legadu" hosi tinan sira seluk antes Brazil.

Lula argumenta katak nia Governu triplika ona orsamentu iha Edukasaun, harii ona universidade federál hamutuk 18, "kampus" foun hamutuk 173 iha interiór Brazil nian no eskola tékniku barak duké iha tinan 100 ikus ne'e.

SAPO TL ho Lusa – Foto: EPA@ Leonardo Munoz