Tinan Nee MJ Tau Orsamentu ba Halo Pasaporte Foun

DILI - Ministru Justisa Ivo Valente hatete, tinan nee Ministeiru Justisa, tau orsamentu oitusentus mill hodi hahu inisia prosesu pasaporte foun.

Ministru Justisa Ivo mos informa ba komunidade tomak katak, pasaporte elektroniku prosesu instalasaun sei hahu Jeneiru no Febreiru. Produsaun lolos sai pasaporte nee so bele simu iha Setembru, Otubru nia laran, tamba sei lori tempu hodi halo istalasaun sistema.

Tinan ida nee ita tau orsamentu ituan ba pasaporte aserka oitusentus mill atu hahu inisia prosesu pasaporte foun, I ninia prosesu lao hotu ona iha kompania ida mak menang, no responsabel Ministeiru Justisa hanesan donu de projetu mos asina ona kontratu iha dia 3 de Dezembru foin dadauk nee,” dehan MJ Ivo, iha debate espesialidade OJE 2016, Kinta (17/12/2015).

Iha fatin hanesan Vise Presidenti Parlamentu Nasional (PN), Adriano do Nascimento hatete, Ministeiru Justisa tau orsamentu halo pasaporte ida diak ka lae, tamba foin daduk sira ba New Zeland, deputadu Antonio 55 ho deputadu Paulo Moniz Maia ema tahan iha Imigrasaun, tamba makina la detekta.

Orsamentu Ministeriu Justisa pasa iha votasaun ho votus afavor 64, kontra zero no apstensaun zero. Informasaun kompletu iha STL Jornal no STL Web, edisaun Sesta (18/12/2015). Carme Ximenes/Timotio Gusmao

Suara Timor Lorosae