Prezidente
hosi Parlamentu indonéziu, Setya Novanto, demiti tiha hafoin hetan akuzasaun
halo xantajen ba empreza mineiru prinsipál ida ne'ebé halo operasaun iha nasaun.
Setya
aprezenta ona nia demisaun iha loron-kuarta kalan iha karta ida ne'ebé diriji
ba Konsellu Étika Kámara nian, hafoin demisaun ne'e hakotu tiha investigasaun
ida durante semena rua ne'ebé halo akuzasaun ba nia, haktuir hosi diáriu The
Jakarta Globe.
Tuir
konsellu, Setya no sósiu ida husu ona 20% hosi asaun sira ba norte-amerikanu
Freeport Indonesia hodi bele fasilita extensaun ba lisensa esplorasaun hosi
sira nia mina osan-mean no kobre iha rejiaun Papua.
Sira
na'in rua husu ona partisipasaun sira ne'ebé karik iha folin dolár millaun
4.000 resin iha reuniaun sekretu rua iha fulan-Maiu no fulan-Juñu ho diretór
ezekutivu hosi mineiru nian, Maroef Sjamsoeddin, ne'ebé rejista ona enkontru
sira.
Pedidu
ne'e halo hodi prezidente nasaun nia naran, Joko Widodo, no hosi
visi-prezidente, Jusuf Kalla, ne'ebé iha semana hirak ikus ne'e husu atu Setya
demiti bainhira hetan akuzasaun hanesan kulpadu hosi Konsellu Étika nian.
Setya,
membru hosi Golkar, partidu iha opozisaun ne'ebé harii iha 1964 hosi jenerál
Suharto no ne'ebé governa ona nasaun ne'e durante tinan 32 nia laran, konserva
fatin hanesan deputadu iha Parlamentu.
Freeport
negosia estensaun hosi kontratu ne'ebé hotu iha 2021 ba esplorasaun hosi sira
nia mina osan-mean no kobre iha Papua, ne'ebé hanesan depózitu boot liu iha
mundu.
SAPO
TL ho Lusa
Sem comentários:
Enviar um comentário