PM Rui Lamarka Prezensa Durante Mensazen Estadu iha PN, Taur: “Hau Moe Vizita Suku”

DILI - Sestu Governu Konstitusional neebe lidera husi Primeiru Ministru Rui Maria de Araujo ho nia membru la marka prezensa iha Parlamentu Nasional (PN), hodi rona mensazen estadu husi Prezidente Republika Taur Matan Ruak.

Observasaun STL iha PN nota antes Prezidente Republika Taur Matan Ruak hatoo mensazen estadu liu husi sesaun solene iha sala Plenaria PN, Prezidente Republika Taur Matan Ruak simu direta husi Prezidente PN Vicente Guterres hodi lori ba iha Meja PN.

Too iha Maje PN, Prezidente Republika Taur Matan Ruak Konsege kaer Liman ho estrutura Meja PN, nunee deputadu sira mos hamrik hodi simu Prezidente.

Mensazen estadu nee loke direta husi Prezidente PN Vicente Guterres hodi husu deputadu sira atu hamrik no kanta hinu nasional Patria-Patria, nunee kontinua kedas mensazen estadu husi Prezidente Republika Taur Matan Ruak.

 Durante Mensazen estadu husi PR Taur laos Primeiru Ministru Rui Maria de Araujo ho nia membru sira deit mak la marka prezensa, maibe deputadu balun husi partidu Haat neebe mak hetan fiar husi povu hodi asumi kargu nudar reprezentante povu la marka prezensa.

Iha mensazen estadu nee parte governu reprezenta husi Sekretariu Estadu Asuntu Parlamentar Maria Telezinha Viegas, la tur iha fatin neebe Parlamentu Prepara ba governu hodi tur hanesan debate Orsamentu Jeral Estadu iha deputadu sira nia oin.

Tuir Vice Prezidente PN Adriano Nacimento katak Primeiru Ministru mak la marka prezensa maibe Sekretariu Estadu Asuntu Parlamentar iha tamba governu reprezenta husi sekretariu Estadu Asuntu Parlamentar.

Sekretariu Estadu Asuntu parlamentar iha tamba governu reprezenta husi Sekretariu Estadu Asuntu Parlamentar atu nia rona deputadu no rona buat neebe mak akontese iha Parlamentu,” dehan Adriano ba Jornalista Kinta (25/02/2016) Iha PN.

Liu husi mensazen Estadu, Prezidente Republika Taur Matan Ruak hatete nia parte veta Orsamentu Jeral Estadu 2016, deputadu sira no Governu senti katak Prezidente dejafia sira nia unanimidade, maske Prezidente ho sentimentu atu promove sira hodi ajuda povu. Informasaun kompletu iha STL jornal no STL Web, edisaun Sesta (26/2/2016). Timotio Gusmao

Suara Timor Lorosae