DILI
– Politika governu hodi implementa Bolseiru ba Timor oan sira nebe estuda
iha universidade iha rai liur, governu halimar osan estadu tamba iha estudante
balun neebe liu ona maibe husik abandona.
Tuir
Deputadu Bankada Fretilin Eladio Faculto katak governu la orienta diak iha
politika bolseiru nian tamba lakon osan barak ho durasaun tempu naruk, maibe
estudante sira abandonadu inklui lakon osan barak maibe laiha rejultadu.
Hau
hanoin nunee Bei-beik ita halimar osan estadu ninian no osan neebe tau iha
rekursu umanu sei lakon naben deit no ita la hetan rekursu umanu neebe diak ho
kualifikadu iha futuru tamba ita lakonsege rezolve bolsu estudu no problema
edukasaun,” dehan Eladio ba STL Segunda (08/02/2016) iha Parlamentu Nasional.
Eladio
Faculto husu Ministeriu Edukasaun atu fo konsiderasaun ba estudante sira neebe
mak liu ona husi teste no ejame hanesan bolseiru, atu ba eskola iha Brazil no
Filipina tamba faze primeiru ba aranka ona maibe faze daruak abandona too
agora.
Iha
fatin hanesan Portavos Bolseiru 2014, Fernando da Costa hatete estudante
bolseiru husi Minisipiu 13, formandu husi Ministeriu edukasaun neebe prepara
tiha ona atu ba estudu iha rai liur maibe governu la fo atensaun.
Hatan
ba preokupasaun nee Sekretaria Estadu Asuntu Parlamentar Maria Terezinha Viegas
hatete, nia parte agradese ba deputadu sira neebe mak konsege relata ona ba iha
Ministeriu Edukasaun. Informasaun kompletu iha STL Jornal no STL Web, edisaun
Tersa (9/2/2016). Timotio Gusmao
Suara Timor Lorosae
Sem comentários:
Enviar um comentário