Grupu
islamista Abu Sayyaf na’ok ona ema indonézia na’in sanulu hafoin asalta ró tula
sasan nian, besik ho illa Tawi-Tawi, parte sul Filipina, tuir fonte ofisiál fó
sai ohin.
Tuir
relatóriu hosi serbisu informasaun militár Mindanao Osidentál, asaun asaltu
ne’e simu orden hosi Alhabsy Misaya, líder hosi grupu estremista nian ida, tuir
jenerál Demy Tejares, no sita hosi diáriu Inquirer.
Lakonsege determina númeru hosi terorista ne’ebé halo asaltu durante findesemana ne’e, ba iha ró ho bandeira Taiwan nian ne’ebé tula indonézia-oan sira, atu ba hatuun iha rai-maran ka tasi ninin.
“Efetivu hothotu hosi Forsa Armada Filipina halo alerta, no pronto atu ajuda karik presija”, dehan Filemon Tan, portavós hosi Komando Mindanao Osidentál.
Ró ne’e atu bá Manila hafoin liu hosi Jakarta bainhira hetan asaltu iha tasi besik ho fronteira Malázia, tuir jornál Manila Bulletin fó sai.
Abu Sayyaf harii iha tinan 1991 hosi grupu eis-kombatente Funu Afganistaun kontra Uniaun Soviétika antigu.
Grupu ne’e oho ema barak ona iha Filipina durante tinan rua ikus ne’e no tanba simu osan, maka sira mos na’ok ona ema barak.
Iha meadu fulan ne’e, Governu Filipina halo ona negosiasaun ho Abu Sayyaf, ne’ebé ameasa atu oho kanadianu rua, noruegés ida ho Filipina-oan ida ne’ebé sira na’ok iha fulan setembru liu ba, karik laselu ho osan pesu milloens (euros milloens 19,2).
SAPO TL ho Lusa
Lakonsege determina númeru hosi terorista ne’ebé halo asaltu durante findesemana ne’e, ba iha ró ho bandeira Taiwan nian ne’ebé tula indonézia-oan sira, atu ba hatuun iha rai-maran ka tasi ninin.
“Efetivu hothotu hosi Forsa Armada Filipina halo alerta, no pronto atu ajuda karik presija”, dehan Filemon Tan, portavós hosi Komando Mindanao Osidentál.
Ró ne’e atu bá Manila hafoin liu hosi Jakarta bainhira hetan asaltu iha tasi besik ho fronteira Malázia, tuir jornál Manila Bulletin fó sai.
Abu Sayyaf harii iha tinan 1991 hosi grupu eis-kombatente Funu Afganistaun kontra Uniaun Soviétika antigu.
Grupu ne’e oho ema barak ona iha Filipina durante tinan rua ikus ne’e no tanba simu osan, maka sira mos na’ok ona ema barak.
Iha meadu fulan ne’e, Governu Filipina halo ona negosiasaun ho Abu Sayyaf, ne’ebé ameasa atu oho kanadianu rua, noruegés ida ho Filipina-oan ida ne’ebé sira na’ok iha fulan setembru liu ba, karik laselu ho osan pesu milloens (euros milloens 19,2).
SAPO TL ho Lusa
Sem comentários:
Enviar um comentário