Partidu
Demokrátiku (PD) optimista katak, PD nia kadeira iha Parlamentu Nasionál (PN)
sei aumenta iha eleisaun 2017, tanba estrutura PD nian oras ne’e dada’uk tuun
to’o baze ona.
“Ami
nia estrutura to’o baze, tanba ne’e mak ami garante katak, ami sei bele hakat
ba oin, hodi involve iha prosesu hola desizaun polítika iha rai ida ne’e,”
katak Prezidenti Interinu PD, Adriano do Nascimento ba jornalista sira iha
Palácio Prezidensiál Aitarak Laran Dili, Kuarta (02/03).
Nia
haktuir katak, iha konsolidasaun ho militantes PD ne’e, aktualiza mós programa
dezenvolvimentu nasaun ida ne’e nian, liu husi Governu ho PN.
“Partidu
Demokrátiku preparadu, imi hotu hatene semana-semana ami tu’un ba kraik, hodi
informa ba ami nia militante sira, ami halo konsolidasaun estrutura, i ao mesmu
tempu ami mós fó hanoin kona-ba situasaun atual, para sira mós bele aktualiza
sira nia-an hanesan vida polítiku,” informa Adriano.
Adriano
do Nascimento hateten tan katak, PD esforsu-an atu bele manan iha eleisaun
2017.
“Harii
Partidu tenke iha optimismu, labele harii partidu laiha optimismu,” relata
Adriano.
Kona-ba
lei pensaun vitalisia ne’ebé to’o agora seida’uk iha sinal pozitivu husi PN ba
ejijensia públiku nian durante ne’e, Adriano dehan, bankada PD hatama ona nia
projetu kona-ba ida ne’e.
“PD
hatama ona projetu lei kuaze tinan rua ona, ida ne’e ita bo’ot (jornalista)
sira ba husu iha Parlamentu Nasionál, agora ami la’o partidu nian,” esklarese
Adriano. cos
Jornal
Nacional
Sem comentários:
Enviar um comentário