Governadór-jerál
australianu garanti ona katak Austrália hakarak kolabora ho Timor-Leste iha
área oioin, maibé la refere, iha diskursu ne'ebé halo iha parlamentu timoroan,
tema hosi fronteira marítimu sira, ne'ebé kompleksu liu iha relasaun bilaterál
ne'e.
Peter
Cosgrove, ne'ebé simu iha sesaun solene ida iha Parlamentu Nasionál, iha loron
daruak ba vizita loron tolu iha Timor-Leste, rona ona krítika hosi bankada sira
kona-bá rekuza hosi Canberra hodi halo negósiu ho Díli kona-bá delimitasaun
definitivu ida ba fronteira sira.
Maski
nune'e, no hafoin rona tiha krítika sira, Cosgrove la halo referénsia ruma ba
polémika, ko'alia de'it iha kestaun petrolíferu bainhira refere ba Fundu
Petrolíferu ne'ebé autoridade timoroan sira kria ho reseita sira hosi Tasi
Timór nian.
"Ita
hanesan viziñu. Maibé mós hanesan belun sira. La'ós hanesan fásil. Iha kestaun
sira hodi ko'alia no hanesan belun sira ita iha diferensa sira. Hasoru
diferensa sira ne'e, austrália hakarak sentradu iha dalan ba futuru. Harii iha
ita nia fortaleza sira ne'e, ultrapasa obstákulu sira", nia hatete.
"Autrália
hanesan nasaun ida justu no pragmátiku. Ami sei buka nafatin solusaun justu
sira no pragmátiku sira hodi rezolve ita nia diferensa. Ita nia ligasaun sai
metin no profundu nafatin. Ita sei hanesan importante ba malu", nia hatete
iha diskursu ida ne'ebé nia refere mós ba programa koperasaun oioin ne'ebé
Austrália mantén ho Timor-Leste (iha área sira hanesan sáude, agrikultura ho
edukasaun), maibé la temi tema ida ne'ebé sai polémika iha relasionamentu
bilaterál, hodi hamosu protestu sira iha nasaun rua ne'e.
Bankada
sira refere tina ona ba asuntu ne'e, hato'o krítika sira ba Canberra.
Iha
ámbitu seluk Cosgrove destaka ona nia "ligasaun metin" ho Timor-Leste
hahú tinan 1999, bainhira nia to'o iha nasaun, nia haree ona "espíritu no
korajen hosi timoroan sira" ne'ebé, hasoru estraga no sofrimentu sira, hatán
ho "esperansa no determinasaun".
"Ha'u
haree nasaun ida ne'ebé hahú aumenta maturidade. Nasaun independente ida no
orgullozu ne'ebé hetan maka'as. Ne'ebé iha palku globál hanesan respeitadu no
fó folin ba nia kontributu", Cosgrove hatete.
"Ne'e
hanesan nasaun joven no vibrante ida. Ema barak hosi imi nia povu iha tinan
hanesan ho nasaun. Ne'e maka hanesan imi nia juventude no hanesan imi nia ativu
maka'as", nia hatutan.
Prezidente
hosi Parlamentu Nasional, Vicente da Silva Guterres, subliña ona apoiu ne'ebé
Austrália fó hahú hosi independénsia, ho relasaun bilaterál ida "hosi
konkista sira maibé mós hosi dezafiu sira, ne'ebé eziji relasaun ida hosi apoiu
metin".
"Agora
daudaun, ita nia nasaun sira hasoru tan dezafiu ida, ne'ebé reklama rezolusaun
urjente ida. Hanesan ha'u nia konviksaun katak hamutuk ita sei fó onra ba
dezafiu ne'e. Ha'u nia konviksaun katak hamutuk ita sei hetan solusaun
ekilibradu ida, justu no dignu, iha respeitu ba direitu sira ne'ebé ida-idak
asisti, hosi harmonia ho regra sira hosi direitu internasionál sira", nia
afirma.
"Ne'e
hanesan dalan hodi tuir iha progresu no dezenvolvimentu hosi ita nia povu sira,
no, iha tempu hanesan, sei sai hanesan ezemplu importante ida no kontributu ba
rejiaun", nia hatutan.
Cosgrove
iha mós enkontru ho Governu no ho Prezidente Repúblika, ne'ebé nia hasoru malu
tiha ona iha loron-kinta dadeer, hodi partisipa iha Konferénsia Nasionál
Veteranu sira nian iha loron-kinta loraik.
SAPO
TL ho Lusa – Foto: EPA@ António Dasiparu
Sem comentários:
Enviar um comentário