Programa
foun hosi kuadru koperasaun tékniku-militar entre Portugal ho Timor-Leste,
hala'o iha 2017, tenki hanesan prátiku liu, ho objetivu sira loloos no aposta
iha dalan sira hodi halakon obstákulu hanesan iha lian, hatete hosi ministru
Defeza portugés.
"Portugal
bele halo buat ne'ebé maka nia halo to'o iha-ne'e, haree ba koperasaun
tékniku-militar ho dalan ida prátiku liu, ho objetivu sira ne'ebé loos no
análize ida hosi vantajen-kustu ne'ebé vizivel liu ba parte rua", afirma
ona hosi Azeredo Lopes.
"Kleur
ona maka Portugal konsidera katak ideia koperasaun nian la'ós hanesan ideia ida
hodi halo protesaun ka paternalizmu maibé hanesan relasaun ida vantajen sira
nian no obrigasaun hodi kompensa no ne'e hanesan abordajen maduru tebes ne'ebé
maka ami tenki serbisu to'o tinan nia rohan hodi bele asina programa kuadru
nian", nia esplika.
Azeredo
Lopes hatete katak koperasaun iha planu tékniku-militar "la'o daudaun ho
di'ak", ho obstákulu sira ne'ebé tenki rezolve hodi garanti nia efikásia
di'ak liu.
"Obstákulu
prinsipál ida maka kestaun linguístiku. Lian hanesan ponte no mós bele hanesan
obstákulu ida no pontu ne'e tenki serbisu ho di'ak", nia afirma.
Ministru
fó hanoin katak programa ne'ebé iha hanoin ona ba kriasaun hosi laboratóriu ida
lian nian iha sentru formasaun militar iha Metinaro, ne'ebé Portugal sei haruka
profesór no formadór sira hodi hadi'a difikuldade iha kestaun lian nian.
"Hein
katak laboratóriu sei hotu iha kuadru tuirmai, triste oituan tanba koperasaun
la kumpri buat hotu", nia hatete.
Kona-ba
komponente naval, Azeredo Lopes hatudu "impresionadu ho pozitivu"
hafoin vizita Hera, ne'ebé hanesan fatin instalasaun hosi komponete forsa
Defeza timoroan nian ne'e.
"Sei
iha ambisaun barak hosi parte Timor nian, hanoin ba kapasitasaun, fiskalizasaun
di'ak ba nia bee teritorial sira, liuliu iha parte súl. Ne'e implika
investimentu maka'as tebes", nia hatete.
Azeredo
Lopes ko'alia bainhira hakotu reuniaun XVII hosi ministru sira Defeza nian
ne'ebé hala'o iha Díli.
SAPO
TL ho Lusa – Foto: Ministru Defeza hosi Portugal, Azeredo Lopes
1 comentário:
LIan Portuges, oficialmente hanorin liu husi eskola publika ba Maubere oan balu iha tempu kolonial Portugues, bele dehan komesa lolos iha 1960++,....
Depois mos ba deit grupo privelegiadu sira, maibe Maubere oan barakliu, rihuan ba rihun maka la hetan oportunidade hodi aprende...tamba poltika kolonialista nebe hAkarak kontinua halo Timoran hanesan eskravu ka atan!!
Resultadu diretu husi realidade kolonial ida ne maka ohin loron ita sofre konsekuensia bot tebes, tamba ema barak iha kakutak no kapasidade, maibe lian kolonial ne halo ema barak marginalizadu.....realidade ne hatudu katak lian portuges laiha no sidauk iha abut iha Maubere sira nia let.....oinsa maka iha periudu menus de 20 anos efektivu....ita hakarak timoroan hotu bele kolia lia kolonial ne ho lancar....la hetan Boy!!///foin maka hanorin lian kolonial ne liu husi eskola katolika...no sira nebe hakarak sai katekista...e agora hakrak esforsa hodi dehan ema hotu tenki kolia...NO WAY!!
Se ohin loron Maubere oan sira hakarak aprende.....imi tenki kontenti...Portugal tenki aumenta investimentu iha area ida nee.....selae lalika kanta demais!!.....
Timoroan sira tenki hatene katak....ita labele monu ba lasu Neokolonial nian....selae....loron ruma Timoroan sei raut malu...tan grupo oan balun deit maka kolian lian kolonian ida nee.......
Husik TETUN sai UMA NAIN iha Timor-Leste!! INDEPENDENCIA katak ita tenki hamrik hanesan nasaun ho identidade rasik......maibe ita mos iha kapasidade atu kolia lian seluk......purtantu labele hanehan fali ami ho lian ida nee!...koexistencia katak....ita bele moris hamutuk...maibe tenki hatene an...!!!
BASTA!!
Enviar um comentário