Pelumenus
na’in 21 mate ohin no dezena hetan kanek iha Bangladexe bainhira mosu siklone
"Roanu" iha litorál nasaun nian, iha ne’ebé autoridade sira haruka
sai abitante rihun 500 hodi halo prevensaun, informa fonte oioin.
Sekretáriu
hosi Ministériu Jestaun Dezastre Bangladexe nian, Satiya Broto Saha, hatete ba
ajénsia Efe katak ema na’in 21 mate iha oras hirak ikus ne’e tanba insidente
ne’ebé relasiona ho tempestade, hanesan ai no muru sira monu.
Jornál lokál The Daily Star hatete katak pelumenus ema atus hetan kanek, maski la identifika fonte hosi informasaun ne’e.
Satiya Broto Saha indika katak administrasaun hosi distritu kosteiru 14 hasai ema besik rihun 500 iha "zona vulnerável sira" no haruka sira ba refújiu, hanesan prevensaun, medida komún iha situasaun hanesan ne’e.
"Momentu ne’e ami seidauk iha kontabilizasaun kona-ba estragu materiál, maski ami disponibiliza fundu ekonómiku no ai-han karik presiza", subliña Satiya Broto Saha.
"Roanu" tama hosi súl nasaun nian besik tuku 12:00 oras lokál (tuku 07:00 iha Lisboa) ho anin entre 62 no 88 kilómetru por oras, ne’ebé klasifika hanesan tempestade tropikál, tuir eskala Saffir Simpson, adianta.
SAPO TL ho Lusa
Jornál lokál The Daily Star hatete katak pelumenus ema atus hetan kanek, maski la identifika fonte hosi informasaun ne’e.
Satiya Broto Saha indika katak administrasaun hosi distritu kosteiru 14 hasai ema besik rihun 500 iha "zona vulnerável sira" no haruka sira ba refújiu, hanesan prevensaun, medida komún iha situasaun hanesan ne’e.
"Momentu ne’e ami seidauk iha kontabilizasaun kona-ba estragu materiál, maski ami disponibiliza fundu ekonómiku no ai-han karik presiza", subliña Satiya Broto Saha.
"Roanu" tama hosi súl nasaun nian besik tuku 12:00 oras lokál (tuku 07:00 iha Lisboa) ho anin entre 62 no 88 kilómetru por oras, ne’ebé klasifika hanesan tempestade tropikál, tuir eskala Saffir Simpson, adianta.
SAPO TL ho Lusa
Sem comentários:
Enviar um comentário