Oportunidade sira investimentu iha Timor-Leste iha konferénsia internasional iha fulan-Juñu

Reprezentante hosi entidade sira hosi nasaun no organizmu oioin, emprezáriu sira no espesialista sira hasoru malu iha Díli iha fulan-Juñu hodi ko'alia oportunidade sira investimentu nian iha Timor-Leste, haktuir hosi organizadór sira.

Tuir nota ida hosi organizadór sira, Konferénsia Internasional ba Investimentu iha Timor-Leste hakarak fó koñese nia potensial ba investidór sira hosi nasaun oioin iha área oioin hanesan petróleo ho gás, mina sira, kafé no agrkultura, turizmu, transporte no konstrusaun, no seluk tan.

"Iha oportunidade barak ba investidór sira ne'ebé hakarak estabelese parseria sira ho timoroan sira hodi dezenvolve negósiu foun sira iha área oioin. Timor-Leste hahú hela dezenvolvimentu importante ida ne'ebé ema hotu bele halo parte", esplika hosi organizasaun australianu Informa ne'ebé organiza konferénsia ne'e.

Prezidente hosi Ajénsia ba Investimentu no Komérsiu Externu Portugal nian (AICEP), Miguel Frasquilho, responsável hosi organizasaun emprezáriu timoroan sira, responsável hosi empreza oioin, ekonomista sira no espesialista sira seluk sei marka prezensa iha konferénsia ne'e.

Konferénsia sei hala'o iha loron 09 no 10 fulan-Juñu.

SAPO TL ho Lusa