Portugal
sei hametin nia protokolu hosi koperasaun ho Timor-Leste iha kombate hasoru
violénsia doméstiku, hodi hametin sistema sira protesaun ba vítima no asaun
polísia iha asuntu ne'e, hatete hosi sekretária Estadu ba Sidadania no
Igualdade Portugal nian.
Dalan
no metodolojia foun sira sei hato'o iha aneksu ida ba protokolu kolaborasaun
nian ne'ebé iha entre nasaun rua ne'e iha área ida ne'e, hodi tulun kombate
índise "dramátiku sira" violénsia hasoru feto sira iha Timor-Leste,
esplika hosi Catarina Marcelino.
"Kestaun
hosi violénsia doméstiku hanesan kestaun ida ne'ebé iha Timor hanesan
preokupante tebes. Feto na'in tolu entre feto na'in lima sai hanesan vítima
hosi violénsia jéneru no violénsia sira ne'e dalabarak liuhosi violasaun no
entre parente sira, ho joven sira barak maka hetan violasaun", hatete hosi
governante ba Lusa iha Díli.
Catarina
Marcelino ko'alia ba Lusa bainhira hakotu vizita ida loron tolu iha
Timor-Leste, ne'ebé nia partisipa ona iha reuniaun ida hosi responsável sira
igualdade CPLP nian ne'ebé aprova tiha ona planu asaun ida iha asuntu ne'e,
testu ne'ebé inklui tema violasaun jéneru nian.
Sekretária
Estadu vizita ona uma ida ne'ebé dedika ba feto no labarik-feto sira ne'ebé
hanesan vítima hosi violénsia ne'ebé hala'o hosi organizasaun timoroan
Fokupers, ne'ebé nia hatete katak permiti ona hatene nível
"dramátiku" problema nian iha nasaun ne'e.
Relatóriu
foun ida hosi Programa Monitorizasaun hosi Sistema Judisial (JSMP),
organizasaun timoroan ida ne'ebé iha fulan-Marsu halo tinan 15, hatudu katak
problema ne'e afeta iha sistema polisial no mós iha justisa.
Relatóriu
hatete katak tribunal timoroan sira la trata ho di'ak kazu barak violénsia
seksual nian, ho asaun sira ne'ebé la proteje vítima sira no la liga ka la
interpreta lei ho di'ak.
Estudu
seluk iha tinan liubá, hosi Asia Foundation, refere katak pelumenus 34% hosi
feto timoroan sira entre tinan 15 to'o 49 sai hanesan vítima ba violénsia
seksual ho 41% hosi sira sai vítima hosi parseiru íntimu.
Catarina
Marcelino esplika ona katak objetivu hosi reforsu protokolu koperasaun nian
inklui, entre aspetu sira seluk serbisu nian hanesan inkéritu úniku ne'ebé
polísia halo hodi kazu sira ne'e bele ba tribunál sira "ho kesar sira
ne'ebé aprezenta ho di'ak".
"Ami
sei hametin mós formasaun ba tékniku sira ne'ebé fó apoiu ba vítima sira no ami
nia metodolojia avaliasaun risku nian ba vítima ida-idak violénsia nian hodi
hatene grau risku nian", nia esplika.
Objetivu
maka inklui mós metodolojia no instrumentu sira ne'e iha formasaun ne'ebé
ajente portugés sira fó ba polísia timoroan sira no permiti ne'ebé aleinde
timoroan sira ne'ebé formadu iha Portugal, sei iha tékniku portugés sira hosi
área ne'e ba fó formasaun iha Timor-Leste.
"Hanesan
importante tanba iha ne'e maka ita bele hatene di'ak liu", nia hatete.
Maski
asuntu ne'e hanesan susar, Catarina Marcelino hatete katak Governu timoroan iha
"vontade hodi muda" realidade ne'e no Portugal bele, iha Timor-Leste,
iha área no área sira seluk, iha koperasaun ho impaktu maka'as maibé la gasta
osan barak.
SAPO
TL ho Lusa
Sem comentários:
Enviar um comentário