CPLP/Tinan 20: Aposta iha ekonomia la'ós hanesan "moda pasajeiru"

Sekretáriu-ezekutivu hosi Komunidade Nasaun sira Lian Portugés nian (CPLP) defende ona iha loron-segunda katak organizasaun "labele hanesan refén ba nostaljia" hosi portugés no katak aposta iha área ekonómiku "la'ós hanesan kestaun ida merkadu nian ka moda pasajeiru".

"Bainhira konsagra ba área ekonómiku no emprezarial iha projetu deklarasaun nian kona-ba vizaun estratéjiku foun la'ós hanesan kestaun ida merkadu nian ka moda pasajeiru nian", hatete hosi responsável CPLP nian, Murade Murargy, hodi refere ba proposta kona-ba futuru organizasaun nian ne'ebé sei aprova iha simeiru tuirmai, ne'ebé previstu ba fulan-Novembru, iha Brazil.

Diplomata mosambikanu, ne'ebé ko'alia iha sesaun solene ba komemorasaun tinan 20 hosi komunidade nian, iha sede iha Lisboa, subliña katak CPLP "labele lakon interese ba tendénsia estratéjiku mundial sira, rejional sira no sub-rejional sira ne'ebé la'o ba integrasaun polítiku no ekonómiku aseleradu sira".

"CPLP labele sai hanesan refén ba nostaljia lian portugés nian no la aproveita oportunidade sira ne'ebé mundu multipolar kontemporáneu oferese mai ita, iha koneksaun sira no mós iha oportunidade sira hodi harii kadeia sira folin nian", Murargy hatutan.

Antes, sekretáriu-ezekutivu refere ona katak lian portugeza, "pilar boot hosi uniaun no patrimóniu komun", iha projesaun kresente ida, iha Estadu-membru sira, ne'ebé halibur falante hamutuk millaun 260 resin, iha diáspora sira no iha Estadu sira seluk, liuhosi observadór asosiadu sira (illa Maurísia, Senegal, Namíbia, Japaun ho Turkia).

"Lian portugeza hanesan transversal ba iha ita nia domíniu tomak koperasaun nian: implementasaun hosi projetu sira iha área atividade oioin, ho de'it ita nia lian komun, sei kontribui ba afirmasaun lian nian, iha termu prátiku sira, hamutuk ho ita nia povu sira no hosi populasaun sira hosi Estadu sira seluk", nia hatete.

Nia hatutan katak ohin loron lian portugeza "atravesa ona fronteira sira, atravesa ona foho sira hanesan mota naruk ida hodi transforma iha patrimóniu universal ida" no mós sidadaun sira CPLP nian tenki "sai hanesan mota ne'e, atravesa fronteira sira lahó susar ba nia sirkulasaun".

Murade Murargy hatutan katak "aproximasaun maka'as hosi CPLP ba sidadaun sira liuhosi mós modalidade no sirkulasaun ema sira nian, sasán sira no koñesimentu, hametin kresimentu ekonómiku, insentiva diálogu no interasaun entre povu sira".

Iha pilar koperasaun nian, sekretáriu-ezekutivu rekoñese mós katak "sei fraku interasaun" ho organizmu sira hanesan Asembleia Parlamentu CPLP nian, Konfederasaun Emprezarial ka observadór konsultivu sira hamutuk 50 resin, hodi defende katak presiza "arkitektura institusional ida ne'ebé hatán ba ezijénsia sira hosi prezente no futuru".

Iha nível koperasaun polítiku-diplomátiku, pilar datoluk hosi organizasaun, Murargy salienta katak "Loos duni" nia afirmasaun iha senáriu internasional.

Ba futuru, responsável subliña ona nesesidade hodi koñese importánsia hosi juventude: "Ita tenki harii ba ita nia joven sira oportunidade sira formasaun eskola nian, tékniku no síviku, hodi kontribui ho forma ímpar no ativu ba konstrusaun hosi nia destinu rasik no ba futuru nasaun nian".

SAPO TL ho Lusa