METAGOU,
(ANTIL)—Komunidade Suku Darulete no Metagou preokupa ba atendinentu ba pasiente
sira ladún efetivu, tanba parteira iha Postu Saúde menus. Iha Postu Saúde
Darulete iha parteira ida de’it, entertantu Suku Metagou, iha pesoál na’in haat
de’it.
Komunidade
sira levanta problema ne’e bainhira diálogu ho Prezidente Repúblika, Taur
Matan Ruak iha Suku Darulete, Postu Administrativu Liquiça Vila, Kinta (29/10)
no Suku Metagou, Postu Administrativu Bazartete, Munisípiu Liquiça, Sesta
(21/10).
Adjuntu
Diretór Saúde Munisípiu Liquiça, Abel Marçal esplika, Governu sei haree liu-ba
suku sira ne’ebé seidauk iha pesoál saúde. Suku sira ne’ebé iha ona pesoál saúde,
maibé limitadu, tenki agradese, duké suku sira ne’ebé laiha liu.
“Ita
rezolve tiha suku sira ne’ebé seidauk iha pesoál saúde, depois maka prioritiza
fali oinsá atu aumenta pesoál saúde ne’ebé sei limitadu,” Abel dehan.
Iha
fatin hanesan, Prezidente Repúblika, Taur Matan Ruak sente orgullu, tanba iha
suku sira iha Timor-Leste laran, iha ona pesoál saúde, maske pesoál saúde sei
limitadu.
“Pelumenus iha ona para atende komunidade sira, duké iha tinan
hirak ba kotuk, komunidade sira tenke halai ba iha kapitál maka halo tratamentu
saúde, ” Prezidente Taur dehan. (Jornalista: Xisto Freitas/Editór: Otelio
Ote)
Foto:
Labarik sira hosi Suku Metagou simu delegasaun Prezidente Repúblika ho tebedai.
Foto ANTIL/Xisto Freitas
Sem comentários:
Enviar um comentário