DILI,
(ANTIL) - Deputada Bankada FRETILIN, Aurora Ximenes hateten, to’o ohin-loron
fato maluk sira iha Rejiaun Auntonomia Espesiál Oé-cusse Ambeno (RAEOA)/ZEESM
sente ki’ak tebes ba informasaun, maske estadu defende liu kona-ba direitu ba
igualdade jeneru.
“Iha
ha’u-nia vizita, ha’u simu informasaun hosi feto maluk sira, katak, sira ki’ak
tebes ba iha informasaun,” Deputada Aurora Ximenes haktuir iha audensia ho
autoridade Zona Espesial Ekonomia Sosial Merkadu (ZEESM) Oé-cusse, iha Plenaria
Parlamentu Nasionál, sesta (4/11).
Deputada
Aurora konsidera, situasaun ne’ebé mak feto Oé-cusse infrenta hatudu sinal
katak dezenvolvimentu ne’ebé mak iha Oé-cusse la refleta ba polítika igualdade
jeneru. Feto sira la sente sira-nia moris iha balansu no ikilibru.
Hatan
ba kestaun ne’e, autoridade ZEESM, Leonia Monteiro rekunese sei iha inan feton
balun mak mukit tebes iha informasaun. Maibé, nia hatutan, polítika ba
dezenvolvimentu feto hanesan parte ida hosi polítika sosial, ne’ebé durante
ne’e halo ona buat balun.
“Los
duni iha sub-rejionais sira iha ita-nia maluk sira, mak sei hela fatin izoladu
seidauk hetan informasaun loloos. Maibé iha ona polítika, atu halo dizeminasaun
informasaun ba komunidade hotu-hotu,” Leonia Monteiro esplika. (Jornalista
: Manuel Pinto/Editór: Otelio Ote)
Sem comentários:
Enviar um comentário