Governu Deskrimina Juis Iha Rai Laran

DILI - Governu no Parlamentu Nasional (PN) halo deskriminasaun ba Defensor Publiku no Majistradu Timor oan sira iha rai laran, tanba PN halo projetu lei no 10/III (4a) konaba rejimi tranjitoriu rekruta Majistradu no Defensor Publiku  laos Timor oan.

Prezidente PARENTIL Flavio Pereira Lopes hateten, Governu ho deputadu sira halo deskriminasaun boot ba Defensor Publik no Majistradu Timor oan sira, tanba lavaloriza sira, rekruta fali ema husi estranjeiru hodi mai halao servisu iha sistema justisa nian.

Sira halo deskrimnasaun boot ba ita nia juis iha rai laran, tanba lavaloriza ita nia ema Timor oan sira neebe maka servisu iha area justisa nian, ba rekruta fali ema husi rai liur,” dehan Flavio ba STL, iha nia servisu fatin Pantai Kelapa Dili, Segunda (14/11/2016).

Nia dehan, durante tinan 2001-2016 orgaun soberanu haat laiha koperasaun diak, hodi prepara no produs rasik rekursu umanus neebe ho valour no kualidade diak. Tanba orgaun haat nee rasik laiha esperitu nasionalista, hodi produs artigu balun identifika lolos Timor oan, neebe hasai kursu konaba lei no justisa.

Iha parte seluk membru PN husi bankada PD Virgilio Hornai hateten, desizaun politika neebe uluk Estadu Timor Leste hola atraves husi resolusaun Parlamentar ida haruka Juis, Defensoria no mos Prokurador Internasional sai husi Timor, tanba kazu ida ba desizaun ida sira hola ba desputa konaba kompania sira halo eplorasaun mina laselu tasa ba Estadu. Informasaun kompletu iha STL Jornal no STL Web, edisaun Tersa (15/11/2016). Carme Ximenes

Suara Timor Lorosae