TL Hatene Estraga Osan, La hatene Maneza

DILI - Timor Leste Durante nee foti ona osan billaun 8 resin husi fundu petroliferu, hodi hadia dezenvolvimentu ba povu no nasaun, maibe ukun nain sira hatene foti osan hodi estraga, la hatene atu maneza hodi hadia povu no nasaun nia moris, tanba nee povu nafatin kiak e hakilar bebeik konba dezenvolvimentu.

Lia hirak nee hatoo husi Ekonomista Abrao Sousa, ba STL iha nia knar fatin, Liseu, Dili, Tersa (20/12/2016).

Ita lamentavel tebes ho ejekusaun Orsamentu Jeral do Estadu (OJE), tanba katak tinan sira sempre foti osan 1 billaun resin, atu hadia povu no nasaun nia moris, maibe nufin durante nee sira foti ona osan billaun 8 resin, maibe ita nia dezenvolvimentu sei lao markarpasu, povu sei kiak, neec signifika katak sirahatene foti osan hodi hariku sira nia aan, maibe sira la hatene maneza osan hodi halo0 serbisu,” hateten Abrao.

Ekonomista nee aumenta tan katak kada tinan ukun nain sira nee hatama sira nia planu no programa serbisu nee diak tebes, maibe implementasaun iha terenu nee jero, tanba nee sira fo izemplu konaba infrastrutura estrada protokolu husi Munisipiu ba too postu administrativu kondisaun sei grave.

Iha fatin hanesan Deputadu Agostinho Lay mos hatutan, husi inisiu too agora governu gasta ona Billaun 8 ba dezenvolvimentu iha rai laran, no hare ba realidade hatudu duni mudansa boot maske Estrada iha area remotas sira nee balun sei aat no povu sei prekupa bee mos, maibe buat sira nee hotu la signifika katak, dezenvolvimentu iha rai laran la lao, maibe dezenvolvimemtu abansadu tebes.

Nunee mos Peskizador Lao Hamotuk Juvinal Diaz mos hatutan katak, governu gasta ona osan husi Fundu Mina rai nian billaun 8, maibe hare ba realidade seidauk refleta ho povu nia moris, povu kontinua moris kiak, povu iha area rural seidauk asesu ba merkadu. Informasaun kompletu iha STL jornal no STL Web, edisaun Kuarta (21/12/2016). Joao Anibal

Suara Timor Lorosae