Universidade
Nasional Timor Lorosa’e (UNTL), Tersa (24/1/2017), asina Momorandum of
Understanding (MoU) ho Ministério da Saúde (MS) liu husi Hospital
Nasional Guido Valadares (HNGV) hodi fasilita estudante finalista
UNTL Fakuldade Medisina hala’o prátika iha klínika.
“Ohin
(Horiseik-red) ita asina MoU ida ho HNGV para ita-nia alunu sira, mediku sira,
ho enfermajen parteira ne’e, atu ba halo prátika Klínika iha HNGV,”reitor
UNTL, Francisco Miguel Martins ba Jornal Nasional Diário iha nia servisu fatin
Kampus Sentral, hafoin asina MoU ho Diretor Ezekutivu HNGV, José
Antonio Gusmão akompaña husi Diretor Jeral MS ho Xefi
Departementu balun husi HNGV.
Reitor
UNTL ne’e haktuir, instituisaun UNTL nomos HNGV nu’udar instituisaun públika
Estadu nian, tanba ne’e iha mutua intendimentu ( koñesimentu hanesan)
hodi kolabora fo formasaun ida ne’ebé diak ba joven sira atu lori
estafeta servisu saúde nian ba populasaun Timor laran tomak
ho diak.
“Tanba
ida ne’e mak HNGV nu’udar instituisaun téknika atu servi sauda nomos
fatin atu eleva pratika no eskil ba ita-nia estudante sira, universidade fo
formasaun teoria, maibe kuandu to’o ona tempu para atu pratika mak sira
sei pratika iha HNGV nomos klínika sira seluk tan,”Reitor UNTL ne’e dehan.
Nia
haktuir, akordu servisu entre instituisaun rua UNTL no HNGV la’os
foun ne’ebé hala’o ona antes ne’e iha tinan kotuk desde inisiu UNTL
estabelese fakuldade Medisina ne’ebé MoU ba tinan ne’e hahú iha
tinan ne’e no sei to’o iha tinan 2019.
Estudante
finalista ne’ebé sei ba halo prátika iha HNGV ne’e sei ba hala’o pratika iha
area enfermagen, mediku jeral inklui parteira no nutrisaun.
Durasaun
tempu ba estudante finalista Fakuldade Medisina normalmente hala’o fulan
3 ka bele fulan 6 depende kursu idak-idak nia karakteristika.
Partisipa
iha serimonia asina MoU ne’e, Reitor UNTL, Diretor Ezekutivu HNGV, no
Xefe Departementu HNGV inklui funsionariu MS balun.Ola
Jornal
Nacional Diário
Sem comentários:
Enviar um comentário