domingo, 29 de janeiro de 2017

Fundu Globál Kombate Sida, Tuberkulose no Malária hamenus fundu ba Kabuverde

Fundu Globál kombate Sida, Tuberkulose no Malária sei hamenus montante disponibilizadu ba Kabuverde kon-ba luta kontra esta moras sira, hatete iha horisehik responsável Komité Koordenasaun Kombate Sida (CCS-Sida).

Tuir Artur Correia, ne’ebé sita hosi ajénsia kabu-verdianu notísia Inforpress, to’o  2017 Fundu Globál ne’ebé  disponibiliza ho euro millaun 3,6 ba tinan rua, montante ne’ebé  sei mantein, maibé servi atu kobre triéniu 2018-2020.

"Ami iha kontestu redusaun ho progressivu finansiamentu hosi parte  Fundu Globál", haktuir  Artur Correia, no afirma katak Kabuverde iha  rekursu atu  jere ba tina tolu  emvez b tinan rua.

Afirma moos  ezijénsia Fundu Globál atu bele  aumenta ho partisipasaunnasaun  iha programa kombate Sida, tuberkulose n paludizmu (malária).

Responsável ne’e ohin koa’lia, iha  sidade da Praia, iha finál reuniaun ordináriu Instánsia Nasionál Koordenasaun dahuluk (INC) ba Fundu Globál.

Tuir  Artur Correia, senáriu ne’e sai "obriga engeñaria finanseira ida" hodi hetan  fonte finansiamentu foun, mobiliza rekursu iha nível internu, maib moos aumenta kompartisipasaun parseiru sira seluk, liliu  Nasoins Unidas no Brazil.

maski iha  diminuisaun ba montante, Artur Correia garante  katak Kabuverde sei  mantein estratéjia kombate moras hirak ne’e  hodi hatudu rezultadu pozitivu.

Reuniaun ne’e moos serve atu  aprova distribuisaun montante ne’ebé propoin hosi Fundu Globál, mekanizmu finansiamentu foun ba Kabuverde  no proposta rekondusaun Sekretariadu Ezekutivu CCS-Sida hanesan  jestór ba fundu ne’ebé disponibiliza.

Fundu Globál hanesan parseria públiku-privadu ida, ne’ebé kria iha 2002  hodi  kapta no disponibiliza  rekursu ba prevensaun no tratamentu HIV/Sida, tuberkulose no malária.

Parseria ne’e inklui governu, sosiedade sivil, setor privadu no komunidade ne’ebé afetada no  prinsipál finansiadór programa kombate ba HIV/Sida, tuberkulose no malária iha nasaun 150.

SAPO TL ho Lusa

Sem comentários: