sexta-feira, 24 de março de 2017

Eleitores Barak Lavota Kulpa PN

PARTILHAR
DILI - Sosiedade sivil iha Timor Leste kritika makas ba reprezentante povu iha Parlamentu Nasional neebe halo lei latuir nesesidade povu nian ikus maibe povu sai vitima tanba latuir eleisaun prezidensial.

Tuir Reprezentante Programa Oficer Sosiedade Sivil AJAR (Asia Justice And Right), Inocencio Xavier hatete katak, iha eleisaun prezidensial neebe mak Timor oan hamutuk duzentos (200 mil ital) mak latuir eleisaun nee kulpa PN nian laos CNE no STAE.

Ema neebe laba vota husi duzentos mil ital (200 mil ital) nee kulpa Parlamentu Nasional nian,” dehan Reprezentante AJAR, Inocencio ba STL iha nia knar fatin Farol-Dili, Sesta (24/03/2017).

Inocencio haktuir, kulpa nee laos STAE no CNE nian tanba STAE hanesan orgaun tekniku hodi implementa lei husi governu no Parlamentu Nasional nian tanba nee hanesan autoridade ida wainhira halo lei ida, tenke iha previzaun, tenke hatene ita nia situasaun nee lao oinsa.

Inocencio sublina, ho failansu sira neebe mak iha nee, parlamentu no governu nain labele fo fali ba implementador tanba nee mak parlamentu tenke halo auto refleksaun ba lejislasaun hotu-hotu ba lei sira neebe sira produz.

Iha fatin ketak, Vice Prezidente PN, Eduardo de Jesus Barreto dehan, lei eleisaun prezidensial nian nee aprova tiha ona tanba nee, ezijensia sosiedade sivil nian katak kulpa PN nian nee lalaos.

Entertantu, Diretor Jeral STAE, Acilino Manuel Branco esplika, taxa partisipasaun eleitores nian ba iha eleisaun nee masimu nee laos depende ba orgaun eleitoral liu-liu STAE. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: