quinta-feira, 23 de março de 2017

Kalohan: “Hau Fuan Boot Simu Vitoria Eleisaun PR”

PARTILHAR
 DILI – Kandidatura Prezidente Antonio da Conceicao Kalohan fuan boot simu vitoria eleisaun, tanba iha rezultadu eleisaun nee povu fo komfiansa Vitoria ba Lu-Olo , tanba nee Kalohan laiha kontesta katak labele simu rezultadu nee, maibe konsekuensia politika mak hanesan nee duni.

Tuir Kandidatura Prezidente Antonio da Conceicao Kalohan katak, Horsehik   nia rasik telefone ba prezidente eleitu hodi hatoo parabens no espresa, neebe nia hanoin ida nee mak vontade populasaun nian neebe mak presiza tebes  atu respeita.

Se hakarak hotu-hotu preokupa kona ba estabilidade, liu-liu ba sira neebe mak agora dadaun iha nee, tenke ser hanoin respeita vontade popular rasik para nunee bele kontribui ba estabilidade politika.

Iha nasaun ida iha eleisaun ba prezidente ida deit, laos atu ema nain 2 mak atu sosi, neebe hau tenke iha fuan boot hodi dehan ba prezidente eleitu rekonese Vitoria ida neebe  mak nia hetan,  i rezultadu neebe mak nia hetan nee laos nia mak hetan maibe  povu mak fo komfiansa ba nia,” katak Kalohan ba jornalista iha intervista hafoin partisipa iha komferensia nasional edukasaun ihja Delta Nova Kuarta (22/03/2017).

Nia hatete, Se nia mak kontesta liu tan katak ho rezultadu nee nia lasimu ida nee buat neebe mak ladun diak,  nee ba konsekuansia politika mak hanesan nee, iha manan ho lakon, laiha buat ida katak iha klaran ida nee lae, tanba nee laos negosiasaun politik atu forma fali governu ida.

Iha fatin hanesan Prezidente da Republika Taur Matan Ruak hatete, ba sivizmu sira mezmu partisipasaun lamaksimu iha eleisaun mos PR hatoo parabens. I Taur mos fo parabens ba kandidatu nain 8 neebe mak konkore iha prezidente da republika ba tinan 2017-2022. Guilhermina Franco / Jacinta Sequeira

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: