quinta-feira, 23 de março de 2017

PD Hakruk No Tane Aas Desizaun Demokratiku

PARTILHAR
DILI – Partidu Demokratiku (PD) tane aas dezisaun demokratiku, tanba iha festa demokrasia  Prezidensial nia povu hili no fo fiar oan ba Fransisco Guterres Lu-Olo, sai  Prezidente Republika ba priadu 2017-2012, nee duni sira  kongratula.

Tuir Prezidente PD Mariano Assanami Sabino katak partidu PD tane aas no afirma katak, ukun nee povu nian, no povo mak nain ba Estadu TL. Eleisaun prezidensial nudar aktu ida nebe sidadaun ida-idak partisipa demokratikamente hodi desidi se mak sai sira nia Prezidente. Tan nee, iha loron 20 fulan Marsu tinan 2017, povu TL hatudu ona sira nia maturidade no responsabilidade hodi maioria hili ona, Francisco Guterres Lu-Olo, nudar Prezidente da Republika ba periudu 2017-2022.

"Ami Partidu Demokratiku hakruk no tane aas ba desizaun demokratiku ida nee, nee duni ho rezultadu nee, PD Kongratula Francisco Guterres Lu-Olo neebe eleitu ona nudar Prezidente RDTL. PD prontu koopera no fo apoiu tomak ba Prezidente eleitu durante nia mandatu, PD, komprometidu atu evita qualquer tentative neebe la fo valor aas ba Estatutu Prezidente Republika, hanesan saida mak akonte se iha Primeira Lejislatura ho maioria Parlamentar halo ba Maun Boot Kay Rala Xanana Gusmão nudar Prezidente da Republika, hanesan mos, AMP halo ba Maun Ramos Horta, no Bloku Koligasaun halo ba Maun Taur Matan Ruak,” hateten Assanami, liu husi konfrensia inprensia, iha nia knar fatin, Comro, Dili, Kinta (23/03/2017).

Prezidente PD nee mos apela ba forsa politika hotu-hotu, atu rona no tetu rekomendasoens sira husi Presidente Republika, hodi la bele halo tratamentu ba Prezidente da Republika hanesan fali oposisaun, maibe nudar parseiru ida husi orgaun soberanu nian, neebe serbisu hamutuk hodi servi povu no Estadu TL.

Iha parte seluk Vise Prezidente Parlamentu Nasional Eduardo Barreto hateten, Prezidente Republika nebe eleitu sei koopera hamutuk ho Parlamentu Nasional, Governu no Tribunal, para nunee bele lori estadu no povu Timor Leste ba oin. Joao Anibal

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: