quinta-feira, 2 de março de 2017

Numeru Estudante Aumenta, Sala Limitadu

PARTILHAR
DILI - Kada tinan numeru estudante sira sempre aumenta nafatin, tanba nee, eskola bazika filial    1,2  vila-verde sei limitadu sala prosesu aprendizajen ba estudante sira.

Kestaun nee fo sai husi Direitora EBF 1,2  Vila-Verde, Adelaide de Sa Benevides Florindo, hatete, prosesu aprendizajen iha sira  nia eskola lao hanesan bai-bain, eskola ida nee funsiona iha tornu tolu dader too dezi meia ba primeiru segundu ano, depois  dezi meia ba too 2 oras ba  quintu no sestu ano, tanba halao prosesu aprendizajen nee tuir orariu neebe mak iha.

Hau hanoin prosesu aprendizajen iha ami nia eskola lao hanesan bai-bain, eskola ida nee funsiona iha tornu tolu dader too  dezi meia ba primeiru segundu ano, depois  dezi meia ba too   2 oras ba  quintu no sestu ano, tanba halao prosesu aprendizajen nee tuir orariu neebe mak iha,”dehan  Adelaide  ba  STL iha nia knar  fatin  Vila-Verde  Dili  Kinta  (02/03/2017)


Nia hatete, difikuldade sempre iha, tanba eskola nee kiik, depois estudante sira mos barak, nunee mos konaba material didatikus mos sei menus, sala 6 deit, tanba estudante ba tinan ida nee, sesentus sesenta sincu estudantes (675), tanba numeru estudante nee la fiksu, neebe kada tinan nee sempre iha mudansa ba iha numeru estudantes.

Nunee mos Alice Magno, hanesan professora, iha EBF nee, hatete, loron-loron sira hanorin ho lian portugues, depois esplika ho tetun ba estudante sira, maibe bainhira hanorin ho lian tetun no portugues nee estudante sira mos kompriende diak.

Cehma Rodrigues, hanesan estudante sestu ano, hatete, nia eskola professora hanorin  sira diak, depois  professora esplika  sira kompriende, bainhira la hatene  sira husu ba professora, neebe loron-loron professor hanorin uza lian tetun no portugues. Jacinta Sequeira/Guilhermina Franco

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: