quinta-feira, 23 de março de 2017

UNETL Sosializa Programa Iha DIT

PARTILHAR
DILI – Uniaun Nasional Eskuteru Timor Leste (UNETL), halo sosializasaun programa no misaun ba estudante iha Dili Institute Of Technology (DIT).

Hafoin hasoru malu ho estudantes no reitoria DIT, liu husi intervista, Prezidente UNETL, Idelta Maria Rodrigues hatete, sira iha kolaborasaun diak ho DIT, maibe ida nee ba dala uluk, mai halo sosializasaun UNETL nia programa ho misaun ba universidade, nomos iha rezultadu pozetivu katak, loron 10 Maio Dies Natalis DIT sira sei lansa agrupamentu DIT.

Loron 10 fulan Maio Dies Natalis ba DIT ami sei lansa agrupamentu DIT nian iha dia 10 de Maio, hau hanoin ida nee mak objetivu prinsipal, tanba hatene katak, kaminerus joven barak mak iha nee, presiza tebes-tebes atu prepara sira, no presiza atu halo atividade oi-oin, nunee sira bele hatene liu mundu eskuteru iha nivel nasional nomos eskuturu iha nivel mundial nian,” dehan Idelta ba jornalista iha knua DIT Aimutin Dili, Kinta (23/03/2017).

Nia hatete, UNTL mos maqnifiku Reitor koalia ona, sira sei loke mos iha eskola ANNUR, tanba nee, ohin iha DIT, sira mos koalia konaba saida mak eskuteru ba estudante sira.

Iha fatin hanesan Reitor DIT, Manuel Vong hatete, enkontru nee diak, tanba UNETL ho biban bele mai too iha kampus DIT hasoru malu ho estudante no reitoria, para atu bele haree posibilidade establese agrupamentu iha DIT, neebe mak tuir planu sei realiza iha loron 10 fulan Maio tinan nee.

Reitor DIT Vong akresenta, TL hanesan nasaun neebe mak foin hari, presiza tebes ema neebe mak iha karakter no inteqnidade dezenvolve nasaun nee, liu-liu prepara joven sira ba future. Enkontru ohin nee mos fo hanoin ida katak, TL ninia identidade nasional hanesan nasionalismu seidauk kontribui para atu konstroi sira nia karakter sidadania neebe mak diak.Jacinta Sequeira/Guilhermina Franco

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: