segunda-feira, 29 de maio de 2017

Menus Komprador, Vendedores Taibessi Triste

PARTILHAR
DILI - Vendedores iha Merkadu Taibessi sente tristi tebes, tanba menus husi konsumidores. Nee duni sasan neebe vendedor faan lafolin.

Tuir Paulina Borges hanesan vendedores katak, iha fatin Merkadu Taibessi ema ladun sosa sasan, tanba sira faan iha liu laran neeba susar ba ema hotu atu mai sosa ami nia sasan.

Durante ami faan iha nee ema ladun mai sosa dalaruma diak ida ita hetan U$ 3.00- 4.00 deit hanesan nee, sorti ladiak loron tomak mos nein hetan sentavus ida,”katak Paulina ba STL iha Merkadu Taibesi, Kinta (25/5/2017).

Tuir Paulina kaktak, iha Merkadu Taibessi rame iha loron Sabdu ho Domingu tanba ema feriadu. Maibe liu tia ida nee laiha ona tanba ema tama fali serbisu, estudante sira mos ba eskola neebe susar atu faan sasan folin.

Iha fatin hanesan Emiliana Mali dehan, governu tau ona fatin nee atu fasilita vendedores hotu-hotu mai konsentra hamutuk iha nee. Maibe realidade akontese oinselu, dalaruma vendedores balun kontinua faan i iha estrada ibun tanba nee mak prezudika konsumidores sira lakohi mai kompras iha Merkadu Taibessi.

Estadu fo ona fatin diak ba vendedores sira maibe konsumidores la mai too iha nee entaon ami nia sasan lafolin. Nee duni, husu ba guvernu atu kontrola malku vendedores sira neebe faan iha estrada ibun tenke haruka mai iha merka, tanba faan sasan iha fatin merkadu laos iha estrada ibun neba.

Sorin seluk Elizabet nuudar konsumidor dehan, fatin nee diak ona sasan baratu maibe dalaruma ema laiha tanba sira hola deit iha estrada ibun nee mak labele mai sosa iha merkadu.

Iha fatin nee diak maibe dook por exemplu ema hela iha Tasi-Tolu neba antes mai too iha fatin nee selu bemo dala rua lae tolu karik ba mai nee hirak iha ona, duni sira hola besik iha estrada ibun deit.Est-4

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: