segunda-feira, 29 de maio de 2017

Tenke Multa, Faan Bebidas Expair

DILI – Reprejentante juventude suku Comoro husu ba governu liu husi Ministeiru neebe kompetente atu fo sansaun ka multa ba kompania neebe maka faan bebidas expair ba komunidade.

Lia hirak nee hatoo husi Antonino da Costa Freitas nudar reprejentante juventude Suku Comoro ba STL iha Bebonuk Dili Kinta, (25/05/2017) dehan, tuir lolos governu halo lei ida konaba fo protesaun ba konsumedor, see lae bele estraga ema nia saude, husu ba governu atu tau matan no fo atensaun ba kompania sira nee.

Nia hatutan, kompania balun produs nafatin Bebidas sira neebe nia prazu liu ona bele halo ema moras, tanba nee husu ba parlamentu nasional atu kria lei ida konaba nee no tenki fo sansaun selu multa selae haruka taka kompania.

Tuir ami nia hare katak, kompania sira nebe hakarak faan nafatin Bebidas nebe mak liu prazu ona tenki obriga sira selu multa no haruka taka sira nia kompania,” nia dehan.

Sorin seluk, Kordenador AIFAESA Abilio Oliveira Serano dehan, sira halo ispesaun hare sasan nebe mak sira faan liu prazu hanesam Bebidas, tanba nee instituisaun AIFAESA harii atu hare problema kestaun sira nee, tanba nee oras nee dadaun sei servisu hamutuk ho parte polisia, media atu hare no proteze ida nee.

Tuir ispesaun, kuandu kompania sira neebe maka faan sasan liu ona prazu sei selu multa $1000, neebe instituisaun nee kaer ona ema hamutuk 38 no sira sei ba selu multa, tuir indentifikasaun neebe maka hetan ona iha baze hamutuk kaju 100 maka oras nee dadaun rejistu ona.

Ami nia instituisaun nee sei esforsu an makas hodi servisu hamutuk ho Komisaun Anti Korupsaun (KAK) tanba nee husu sira fahe sira nia ideias konaba oinsa halo investigasaun no ispesaun servisu hamutuk, polisia nomos media media nasional atu hare konaba problema nee sira nee,” nia haktuir.

Adjuntu KAK ba Prevensaun no Sensibilizasaun, Rui Pereira dos Santos reforsa tan katak, instituisaun AIFAESA oras nee dadaun hakarak kria relasaun ho KAK atu fahe informasaun konaba prevensaun no sensiblizasaun atu bele reforsa diak liu tan sira nia servisu iha terenu.

Kompania sira iha osan barak bele halo funsionariu AIFAESA bele monu ba tentasaun ou korupsaun.

“Instituisaun AIFAESA maka kria relasaun ho KAK tanba nee sira husu ba ami atu oinsa fahe informasaun ba sira oinsa maka bele halo sensibilizasaun no prevensaun ba korupsaun. Ida nee objetivu diak atu ajuda funsionarius sira labele monu ba tentative korupsaun,” tenik nia. Justinho Manuel

Suara Timor Lorosae

Sem comentários: