quinta-feira, 4 de maio de 2017

Prosesu Demokrasia, KI Husu Publiku Atu Respeitu Knar Jornalista

PARTILHAR
DILI — Konselu Imprensa (KI) iha Timor Leste husu ba publiku tomak atu respeita knar jornalista iha prosesu hari demokrasia, tamba realidade neebe mosu oras nee ema balun diskrimina nafatin jornalista iha terenu.

Lia hirak nee hato husi Prezidente Interinu KI TL Jose Maria Ximenes, hamutuk ho Konseleiru KI Francisco Belo Simoes da Costa, no Diretora Ejikutiva Ana Teresa Sequiera, liu husi konfrensia imprensa relasiona ho loron mundial ba jornalistas neebe halao iha edifisiu KITL, Quintal Bot, Dili Kuarta, (3/5).

Ami hakarak husu ba entidades hotu estadu toman nian atu respeita aktividade hotu neebe jornalisa sira halao iha terenu ho intensaun atu hatoo informasaun ba publiku,” nia dehan.

Husi parte seluk jornalista husi media balun iha Timor Leste mos husu ba KI atu fo esplikasaun konaba partidu politikus balun neebe loke media, ida nee sai mos media publiku ga lae? Maibe parte Konselu Imprensa hakarak esplika katak KI simu no rejistu deit media hira maka iha Timor lahare ba media partidu no seluk tan.

Konseleiru KITL Francisco Belo Simoes da Costa katak, realiadde neebe mosu iha Timor oras nee liberdade imprensa neebe lao iha rai laran diak tebes, tamba koloborasaun diak entre jornalista no entidades estadu tomak. Justinho Manuel

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: