Iha
loron-kinta ne'e espesialista sira konsidera ona katak violénsia hasoru feto
timoroan sira sei aas nafatin, ho sosiedade patriarkal ne'ebé maka halo nafatin
desigualdade jéneru nian no impede feto sira atu iha asesu ba oportunidade
dezenvolvimentu nian.
Iha
kazu barak, progresu sira ne'ebé hetan limita de'it ba kuadru lejislativu, ho
falta apoiu ba vítima sira ka ladún iha medida sira hodi "muda mentalidade
sira", afirma hosi espesialista oioin, iha inísiu hosi konferénsia daneen
hosi Asosiasaun Estudu sira Timor-Leste nian (TLSA, iha sigla ho inglés),
ne'ebé halo iha Universidade Nasional Timor Lorosa'e iha Díli.
Nurima
Alkatiri, ativista polítika militante hosi Fretilin, hatete ona katak maski
hosi prosesu ba luta ba igualdade jéneru nian, "ne'ebé hahú iha
1974", feto timoroan sira "hasoru nafatin susar oioin iha nível
ekonómiku, polítiku ho sosial".
"Maski
hosi garantia konstitusional sira igualdade nian, iha realidade oinseluk, ho
prátika patriarka sira ne'ebé maka'as iha sosiedade timoroan nian. Realidade
maka feto sira sei fraku nafatin", nia hatete.
Nia
destaka taxa natalidade ne'ebé aas, mortalidade inan ho oan no nutrisaun ne'ebé
ladi'ak, ne'ebé afeta beibeik feto ho labarik sira, hanesan problema todan
sira.
Kuaze
60% hosi feto sira sai ona hanesan vítima hosi violénsia no vítima sira hanesan
simu "kondenasaun", ho populasaun uza liafuan "estraga"
hodi dezigna violasaun ida, nia explika.
"Sosiedade
haree feto sira ne'ebé hetan violensaun hanesan "feto estragadu".
Barak liu família no sosiedade hadook", nia hatete.
Lei
sira ne'ebé iha laiha implementasaun adekuadu, kazu barak liu "notifika
de'it bainhira todan ka bainhira iha kanek fíziku todan (...) dalan barak
violénsia nian la rekoñese loloos no sistema judisial la konsege hasoru ho kazu
barak", nia hatutan.
"La
komprende violasaun iha kazamentu. Kazu barak maka rezolve iha família nia
laran ka ho dalan tradisional ne'ebé desizaun mediasaun nian foti dalabarak
hosi mane sira", nia hatete.
"Violénsia
hanesan estudadu no joven sira repete siklu sira ne'ebé sira aprende. No
mudansa sira kona-ba jéneru dalaruma ladún aseita ida", nia konsidera.
Domingas
Alves, ativista ida ne'ebé koñesidu liu iha tema sira jéneru nian iha Timor-Leste,
defende ona katak feto timoroan sira presiza kontinua hametin ativizmu polítiku
iha nasaun.
"Maski
Timor-Leste iha regulamentu sira no lei sira, sei iha kestaun barak hodi
rezolve kona-ba situasaun feto sira nian. Mentalidade hosi sosiedade la muda no
feto sira hasoru nafatin problema barak", nia refere.
"Ne'e
muda bainhira feto sira partisipa maka'as iha moris públika. Timor-Leste
presiza hametin ativizmu feto sira nian iha luta ba sira nia direitu. Presiza
fó tan kbiit ba feto sira iha vida polítika hodi nune'e bele sai ativu hodi
buka sosiedade justu no inkluzivu", Domingas Alves afirma.
Rekoñesidu
líder hosi movimentu feto sira iha Timor-Leste, Domingas Alves diriji ona
Organizasaun Popular Feto Timoroan nian (OPMT), organizasaun ne'ebé kria hosi Fretilin
[Frente Revolucionária de Timor-Leste Independente] pioneira iha defeza ba feto
timoroan nia direitu.
Prosesu
luta ida ne'ebé mantén durante kombate hasoru okupasaun indonézia no ne'ebé
aumenta ona hafoin referendu iha tinan 1999, halo kriasaun hosi "Rede
Feto" ne'ebé halibur organizasaun hamutuk 21 hosi sosiedade sivil
timoroan.
Maski
hosi dezzafiu sira ne'ebé iha nafatin, Domingas Alves destaka ona progresu sira
ne'ebé hetan ona iha tema sira hanesan inkluzaun hosi kestaun sira jéneru nian
iha preparasaun orsamental, aprovasaun lei hasoru violénsia doméstika iha tinan
2010, ka kriasaun ba Bolsa Inan nian iha 2014, programa ne'ebé agora daudaun fó
benefísiu ba família kuaze 55.500.
Entre
medida sira ne'ebé rekomenda iha mós aumentu ba apoiu hodi prevene violénsia
doméstika, aumenta apoiu ba vítima sira no aumenta investimentu iha edukasaun
hodi "tulun hodi iha mudansa ba mentalidade no, nune'e, mudansa ba
hahalok", Nurima Alkatiri hatete.
"Mudansa
demora jerasaun sira, maibé iha tempu badak presiza kria kondisaun sira hodi
nune'e feto sira bele aproveita oportunidade sira ne'ebé iha. No tanba ne'e
maka vontade polítika hanesan importante", nia konsidera.
Konferénsia
hosi TLSA, ne'ebé previstu mós semináriu iha lian haat (portugés, inglés, tétun
ho indonéziu), organiza hamutuk ho UNTL, ho Swinburne University of Technology
(Austrália) no hosi Universidade Lisboa.
Dezenvolvimentu,
kultura ho sosiedade, istória ho relasaun internasional sira, agrikultura,
antropolojia, peska ho asuntu ekonómiku sira hanesan tema balun ne'ebé sei iha
debate durante loron rua konferénsia nian.
SAPO
TL ho Lusa
Sem comentários:
Enviar um comentário